Descarga en formato PDF - Centro Ramón Piñeiro para a ...

Anatolij Baránov e Dmitrij Dobrovol’skij. Aspectos teóricos da fraseoloxía
desprazado nas súas funcións especiais como símbolo polo número SETE. Así, dende
unha perspectiva do contraste entre linguas, pódese falar da especificidade dos
fraseoloxismos ingleses que teñen o compoñente nine mencionados previamente. Non
obstante, o feito de que na cultura inglesa e americana non sexa o NOVE senón o
SETE o que cumpre as funcións de número «especial», «prototípico» (ademais da
presenza de UUFF no inglés co compoñente seven, comp. be in the seventh heaven 172 ,
que compite na súa lectura simbólica con nine) obriga a enfoca-la cuestión da
especificidade nacional-cultural do número nine con certa cautela. Noutras palabras,
SETE na conciencia lingüística inglesa é un símbolo nun sentido amplo (lingüístico e
cultural ó mesmo tempo), mentres que NOVE é un símbolo lingüístico (véx. a sección
3.3.). A súa motivación cultural ten sobre todo un carácter etimolóxico. Hai que
cualificar como culturalmente significativas as razóns do xurdimento de fraseoloxismos
ingleses con este numeral cunha lectura simbólica. Aínda así, dificilmente se pode falar
dunha interpretación significativa dende o punto de vista cultural por parte dos falantes
do inglés actual 173 .
***
A análise levada a cabo permite chegar a varias conclusións. O compoñente nacionalcultural
do plano do contido dos fraseoloxismos (distinguido coma tal no enfoque
comparativo) baséase, en xeral, no compoñente figurativo e relaciónase coas diferenzas
significativas a nivel cognitivo que existen entre as linguas. A relación entre a
expresión lingüística, a estrutura conceptual e a cultura nacional ten sido a miúdo
postulada en investigacións lingüísticas, sobre todo nos traballos de G. Lakoff e A.
Wierzbicka (en diferentes contextos teóricos). Comp. o enunciado característico de
Лакофф, Джонсон 2004: 175: «As metáforas novas posúen a capacidade de crear unha
nova realidade. [...] Se unha nova metáfora entra a formar parte do sistema conceptual
que serve de fundamento para a nosa actividade, esta cambiará ese sistema, así coma
tamén as concepcións e accións xeradas por el. Na cultura teñen lugar moitos cambios
como consecuencia da asimilación de novos conceptos metafóricos e da perda dos
vellos».
Con relación a isto é importante subliñar unha vez máis tres particularidades: 1) non
toda diferenza nos modos de denotación lingüística (codificación) da realidade é
relevante a nivel cognitivo; 2) non toda diferenza relevante a nivel cognitivo é
172 Сomр. o seguinte exemplo, onde esta UF se utiliza nun xogo de palabras, feito que, non obstante, non
impide a súa tradución practicamente literal ó ruso: If marriages are made in the heavens, then ours was
made in the seventh / Если браки заключаются на небесах, то наш был заключен на седьмом [Se os
matrimonios se fan nos ceos, o noso foi feito no sétimo] (S. Rushdie, Grimus).
173 O uso do concepto CORENTA na fraseoloxía rusa, que ten raíces histórico-culturais, pode ser un exemplo
máis do campo da simboloxía dos números; por exemplo, сорок сороков [corenta dos corenta, ‘gran
cantidade de algo, moitísimos’]. Dado que CORENTA co significado de ‘moito’ non se atopa, por exemplo,
nas linguas xermánicas, a UF сорок сороков [corenta dos corenta] é culturalmente específica. Noutras
palabras, tendo en conta a orixe e a comparación con outras linguas, сорок сороков [corenta dos corenta] e
as UUFF inglesas co compoñente nine están condicionadas culturalmente, pero na actualidade non se percibe
o significado simbólico dos numerais que están presentes nelas.
Centro Ramón Piñeiro para a Investigación en Humanidades. Santiago de Compostela 2009 261