Descarga en formato PDF - Centro Ramón Piñeiro para a ...

Anatolij Baránov e Dmitrij Dobrovol’skij. Aspectos teóricos da fraseoloxía
Así, as consecuencias fixadas nas definicións de хоть отбавляй [aínda que quites] e
de до отказа [ata o rexeitamento] son diferentes: no primeiro caso a indicación
metafórica radica na imposibilidade de reducir considerablemente a cantidade existente
de algo, mentres que no segundo na imposibilidade de aumentala.
A outra técnica implícita de introduci-la forma interna na definición é a súa perífrase.
A esencia da transformación perifrástica neste caso consiste en que un método nonestándar
de indicar algo, realizado na forma interna, trasládase a unha denominación
estándar. Por exemplo, na UF по пальцам можно пересчитать [pódese contar cos
dedos, ‘que existe nunha pequena cantidade’] a forma interna indica que para conta-la
cantidade de algo abonda cos dedos dunha man ou das dúas. Ese mesmo sentido
transmítese dun xeito máis estándar coa idea do ‘rexeitamento ó emprego de números
maiores’, comp. (xvii) e (120):
(xvii) ПО ПАЛЬЦАМ МОЖНО ПЕРЕСЧИТАТЬ [pódese contar cos
dedos] (de alguén/de algo) ‘a cantidade de persoas/cousas é tan pequena que é doado
contala sen utilizar números altos’:
(120) а. No noso departamento hai moitos internos. Nun mesmo ano по пальцам
пересчитать [pódese contar cos dedos] as veces que alguén do internado
veu visitalos, e xa nin falar de traer agasallos. E así pasan meses (Moskóvskii
komsomólets, Московский комсомолец). b. Entón Toestlstói colleu un libro
grande para ir desempeñar con el tódolos libros pequenos. Foi correndo polas
tendas, que пересчитать по пальцам [se podían contar cos dedos dunha
man] (V. Narbíkova. O plano da primeira cara e da segunda, План первого
лица и второго).
Na UF несть числа [non hai un número, ‘gran cantidade de algo; é incontable’] a
designación dunha cantidade grande realízase por medio da descrición: ‘ausencia dun
número para tal cantidade’. Na definición, este significado transmítese mediante a
indicación da ‘imposibilidade de contar’ esas entidades (comp. xviii) e (121):
(xviii) НЕСТЬ ЧИСЛА [non hai un número] (de alguén/de algo) ‘a
cantidade de persoas/cousas é tan grande que é imposible contalas’:
(121) а. En Bancarrota, Ostrovskii despedíase alegremente do pasado, dos
compradores-tiranos. N’O derradeiro sacrificio miraba ó futuro con receo. E
mofándose (con malicia, mordacidade, divertíndose e burlándose) non podía
oculta-lo desacougo, pois os sacrificios non eran os derradeiros. Несть числа
[non hai un número] dos sacrificios feitos ó todopoderoso Mamon
(Moskóvskii komsomólets, Московский комсомолец). b. A xulgar pola
produción rusa de álbums literarios dos últimos tempos, o artista máis popular
do século XX aquí é Salvador Dalí (e os seu epígonos noutras exposicións de
hoxe en día несть числа [non hai un número]) (Corpus xorn.).
Centro Ramón Piñeiro para a Investigación en Humanidades. Santiago de Compostela 2009 197