Descarga en formato PDF - Centro Ramón Piñeiro para a ...

Anatolij Baránov e Dmitrij Dobrovol’skij. Aspectos teóricos da fraseoloxía
En inglés existe a UF put all one’s eggs into one basket (lit. «poñer tódolos ovos nunha
cesta»), comparable polo seu significado á UF rusa ставить все на одну карту
[poñer todo nunha carta, ‘apostar todo por algo, arriscar todo por algo’], véx. ARFS.
Malia as características específicas que presenta o compoñente figurativo desta UF
inglesa en comparación co sistema figurativo do ruso, sería estraño interpretar este feito
coma unha imaxe do mundo e aínda o sería máis percibir neste caso diferenzas
nacional-culturais. Deste xeito, sería bastante absurdo afirmar que os ovos e as cestas
na cultura inglesa xogan un papel máis importante ca na rusa. Nestes casos, non se trata
de diferenzas significativas, senón de casualidades lingüísticas. Isto, en particular,
demóstrase polo feito de que nos últimos anos esta UF (máis exactamente a súa
tradución literal) utilízase no ruso cada vez con máis frecuencia, sobre todo en textos
xornalísticos. Na base de datos da idiomática rusa de textos de xornais, preparada por
K. Wenzl (Wenzl 1996), figuran tres textos con esta UF (8a-c), escritos por diversos
autores para xornais de tendencias políticas tan dispares coma Moskóvskie nóvosti e
Zavtra. É característico que nin tan sequera un destes contextos conteña algunha
connotación «especificamente inglesa», é dicir, a UF utilízase coma unha unidade
estándar do ruso 161 . No contexto (8c) figura esta UF cunha forma modificada onde o
compoñente cesta é substituído pola forma máis popular лукошко (tipo de cesta de
vimbio), o que demostra significativamente o grao de apropiación desta expresión por
parte da lingua rusa. Isto mesmo tamén se manifesta a través do uso do marcador
metacomunicativo говоря попросту [falando simplemente, ‘para dicilo sinxelamente,
dito dunha maneira sinxela’], que precede a esta UF no contexto (8b):
(8) а. Dispersar, e non класть все яйца в одну корзину [non poñer tódolos ovos
na mesma cesta], é xusto o contrario do que se empeña en facer certo tipo de
propaganda na que toda decisión é fatal, todo combate é o derradeiro e o
decisivo [...]. A min paréceme que tería sentido presentar máis a miúdo o
proceso histórico do xeito máis disperso posible no espazo e no tempo,
desprovisto dun pequeno número de momentos de «elección decisiva»
(Moskóvskie nóvosti, Московские новости). b. Non é unha casualidade que
precisamente neste período fose cando os emprendedores decidisen
diversifica-los investimentos políticos e, dito dunha maneira simple, non
класть все яйца в одну корзину [non poñer tódolos ovos na mesma cesta].
É sabido que Inkombank participou na financiamento do bloque Iábloko e ó
mesmo tempo da unificación de PRES. Ó mesmo tempo МOST apoiaba a
PRES, Vybor Rossii, Iábloko, e o Movemento ruso de reformas democráticas,
que non superou a barreira do cinco por cento (Moskóvskie nóvosti,
Московские новости). c. [...] moitos patriotas e nacionalistas ven en
161 É curioso que o correspondente da revista Spiegel, J. R. Мettke, cualifique esta UF de «sabedoría
lingüística rusa» (russische Sprachweisheit): «[...] es [heißt], Sie hätten nicht nur Jelzin, sondern auch seine
Konkurrenten Jawlinski und Lebed mit großen Summen unterstützt. Folgten Sie der russischen
Sprachweisheit, daß es nicht klug ist, alle Eier in einen Korb zu packen?» (Spiegel, nº 6, 1997). — «[...] é
dicir, seica vostede non só apoiou Ieltsin con grandes sumas de diñeiro, senón tamén os seus rivais Iavlinski e
Lébed. Estaba a segui-lo dito ruso (lit. «a sabedoría lingüística rusa») de que non é sensato poñer tódolos
ovos nunha cesta?».
254 Centro Ramón Piñeiro para a Investigación en Humanidades. Santiago de Compostela 2009