rustem-cudi-ideoloji

cîhanê. Bi dîroka xwe, bi niştecihên xwe, bi çavkaniyên xwe yên enerjiyê, bi cih û erdnîgariya xwe, bi
gelek tiştan Rojhilata Navîn roleke girîng temsîl dike.
Ji ber ku roleke wiha heye her kes dixwaze destwerdanê li ser Rojhilata Navîn bike. Ji bo vê
serxwebûn di Rojhilata Navîn de lewaz e. Emerîka hêza wê heye, Sovyet hêza wê hebû, Çîn bi rengekî
destwerdanê bû. Miliyetparêziya Ereb heye. Her kes li gorî xwe dixwaze serweriyekê bidest bixe. Ji bo
wê hêzên bi xwe ve girêdayî çêdikin. Niha gelek hêzên herêmê girêdayî ne. Hinek bi Rûsyayê ve,
hinek bi Emerîkayê ve, hinek bi Fransayê ve girêdayîne, hinek bi Îranê ve, hinek bi Îsraîlê ve
girêdayîne. Hemû li ku li hev dixin, di Rojhilata Navîn de, di Lubnanê de li hev dixin. Lubnan, ew
welatê biçûk, bûye meydana şerê hemû cîhanê.
PKK derbasî wê qadê bû. PKK rêxistineke Kurdan e û Kurd jî miletekî nayê nasîn, nayê qebûlkirin
û tu dixwazî bi navê wî gelî şoreşgeriyê bikî û serbixwe bibî. Weke çawa tu li ser sifreya guran bî.
Yanî li wir destkeftiyeke biçûk jî bigirî, weke tu ji devê şêr derbixî. Ewqasî dijwar û zor e. Lê belê
tiştekî din jî heye, dema te dev ji serxwebûna xwe berda, tu nikarî têkoşînê bidomînî. Mînak, tu çûyî
Lubnanê, pêdiviyên te yên madî hene, bi stargehan heye, bi pereyan heye, bi perwerdê û bi van
hemûyan heye. Rêka herî rehet tu bi hêzekî re dostaniyê deynî û bi wan re bibî yek. Tu yê xwe bispêrî
hêzekî, yanî xwe bispêrî Suriyê, Îran yan jî derekî din, gelek hêz hene. Ji bo te hêz pêwîst e, çek pêwîst
e, lê tu yê wê demê ji bo xwe nexebitî. Tu yê ji bo çi bixebitî Tu yê ji bo pêkanîna daxwaziyên wê
dewleta ku peran dide te, bixebitî. Dema ew bixwaze tu yê şer bikî, dema ew bixwaze tu yê rawestî.
Bala xwe bidinê rêxistin bi gelemperî bi vî rengî ne. Rêxistinek heye dibîne rewşa welatê wê aloz
e! Şertên navnetewî guncaw in, na teqez ne guncaw in. Şertên nav herêmî guncaw in, na ne guncaw in.
Derfetên madî hene tune ne, qet bi van nafikire. Tenê vê dibêje: “Rewşa welatê min aloz e û divê ez vê
aloziyê çareser bikim.” Wê demê dikeve rêka têkoşînê. Rêxistinek heye dibêje rast e alozî heye, lê ji
bo ku ez karibim çareser bikim destekek ji bo min pêwîst e! Destek li ku heye, li gel filan kesî heye.
Ez ê biçim û ji wî destekê bixwazim. Dixwaze û didê, vê carê tam di demjimêra ku hêza xwe seferber
bike de ji bo pirsgirêka welatê xwe çareser bike, lê mixabin nikare. Çima nikare Ji ber ku yên derfet
danê nahêlin ew tevbigere. Yên derfetan didin te di demjimêra ew bixwazin de te dikin dewrê, ne
dema tu dixwazî.
PKK ji vana kîjan rêxistin e PKK ew rêxistina ku aloziyên welatê xwe dibîne, ji bo çareseriya wan
seferber dibe ye. Da ku wan pirsgirêkan çareser bike dikeve nav liv û tevgerê. Lê bi vê nafikire, ka
gelo şertên navnetewî û herêmî guncaw in. Desteka divê, heye yan jî tune ye. PKK tu carî bi vî rengî
nefikiriye.
PKK dema ku dest bi têkoşînê kir dema ku şertên navnetewî ne guncaw bûn dest pê kir. Tu
aloziyên dewleta Tirkiyeyê tune bûn. Bi kesî re di nav şerekî de nebûn. Hêzên navnetewî jî li ser
mesela Kurd israr nedikirin. Tam berovajiyê vê, mijara Kurd girtibûn. Lewra em bala xwe bidinê
taybetmendiyên PKK‟ê wiha ne.
Mînak, PDK wiha nîne. PDK dema kar dike dibêje: “Emerîka amade ye me destek bike! Îsraîl hazir
e me destek bike, Îran hazir e me destek bike hwd.” Bi vî rengî egerên têkoşînê ji bo xwe peyda kirin.
Lê PKK‟ê wiha nekir!
Lewma PKK di mijara îradeya serbixwe de pir zelal e. PKK tu carî destê xwe nade kesî, yanî destê
xwe bê tevdîr nade kesî. Ji ber ku dema te destê xwe da, wê demê wê şertên xwe li ser te ferz bikin. Bi
taybet jî pêwîst e mirov destê xwe yê birîn nede kesî. Ji ber ku destê xwe yê birîn dema te da, wê ew
kes bixwaze destê te yê birîn babide û tu yê şertên wî qebûl bikî. Lewra çiqasî destê te birîn be jî, nede
kesî!
Birîn çi bû Birîn ew dema ku PKK lewaz bû, hejmareke mezin ji kadroyên PKK‟ê yên pêşeng di
zindanê de bûn, hejmareke mezin ji kadro şehîd ketibûn, derfetên madî tune bûn, derbeyeke mezin
hatibû xwarin. Ev hemû birîn in, lê tevî van jî, PKK‟ê ev ji bo xwe nekirin derd û li ser vî esasî xwe di
rewşeke lewaz de nîşan neda. Tam berovajiyê vê jixwe bawer bû û îradeya xwe radestî kesî nekir.
Prensîbeke Bingehîn A Îdeolojiya PKK’ê Îradeya Serbixwe Ye
PKK‟ê îradeya xwe teslîmî kesî nekir! Ka em hê jî vê mijarê berfireh bikin, gelo weke gotin
îradeya xwe serbixwe hiştin wiha rehet e Berdêla wê bi hêza xwe, bi zor û zehmetiyeke mezin, bi
neynûk û diranan weke ku bi derziyê bîrê bikolin dan. Ya PKK‟ê kir ev bû, tu destê xwe nedî kesî, wê
demê tu yê pêdiviyên xwe hemûyan peyda bikî. Peydakirin jî wiha rehet nîne. Tu di navengekê de yî,
sifre sifreya guran e, nakokiyên tê de li bin guhê hev dikevin. Têkilî heta asta dawiyê dijwar in,
berjewendîparêz in û bêrehm in. Her kes ji bo berjewendiyên xwe hazir û amade ye ku bê dudilî û
53