rustem-cudi-ideoloji

Rêbertî di Rojhilata Navîn de gelek kar kirin. Bi salan xebitî, demjimêrekê tenê jî nesekinî. Lê
encamên karên xwe hemûyî bi sê sernivîsan gotiye: Gelekî Şervan, Şervanên Azadiyê û Jina Azad. Di
têkoşîna Rêbertiyê de ev xalên bingehîn bûn. Lewra li ser vî esasî gav hatine avêtin. Di vê çarçoveyê
de mirov dikare nasnameya îdeolojîk a PKK‟ê bide diyarkirin.
Ev nasnameya îdeolojîk li ser çi esasî ye Yek; civakbûyîn e û civakê esas digire! Girêdayî vê
sernivîsê, kolektîvîzm, komunalîzm, ev esas in. Yanî weke çawa di kapîtalîzmê de em bala xwe bidinê
nasnameya wê ferdanetî ye, lê di PKK bûnê de civakbûn e. PKK civakê û nirxên wê esas digire.
Komunalîzmê esas digire.
Ya duyemîn; demokrasî ye. Ji bo vê Rêbertiyê têgihîştinên nû ji demokrasiyê re peyda kir. Yanî
demokrasî ji nû ve girtina dest.
Xala sêyemîn; a ku em esas digirin ew e ku îdeolojiya me lîberal nîne, azadîxwaz e. Yanî azadiyê
esas digire. Ev nasname mehkûmkirina cinsiyetparêziya civakî ye. Ango azadiya jinê ye. Di vê
nasnameyê de vegerandina ahenga di navbera însan û xwezayê de ye. Ev nasname li ser çi esasî xwe
nîşan dide:
1- Miliyetparêzî.
2- Cinsiyetparêzî
3- Zanistperestî
4- Dîngerî
Tekoşîna me ya îdeolojîk li dijî van xalên me jimartî ne. PKK‟yî bûyîn li dijî van tiştan xwe nîşan
dide. Nasnameya xwe wisa diyar dike. Lewra em ê li ser van xalan rawestin.
Nasnameya îdeolojîk a tevgera PKK‟ê di gelek aliyan de xwe nîşan dide. Di nasnameya îdeolojîk
de pîvanên exlaqî esas in. Exlaq tê wateya kirina tiştê herî baş. Pêkanîn e, kar e. Ev bi çi rengî wê
çêbibe Bêguman, ev li ser hinek bingehan çêdibe. Yanî dema em dibêjin karê herî baş, em behsa
kîjan karî dikin Başbûn; pîvanên başbûnê wê çi bin Pîvanên başbûnê ger ew karê mirov dike ka
çiqasî dikeve xizmeta civakê, dikeve xizmeta pêşketina civakê, parastina civakê, heta kîjan asta zîhnî
jiyana însanan bilind dike... Wê çaxê mirov dikare navê wî karî bike karekî baş. Lewma jî pîvanên
exlaqî çi ne
Sekna li dijî kedxwariyê ye! Yanî kedxwarî redkirin û li dijî wê sekinîn e. Têkoşîna ji bo azadiyê
ye, bênavber têkoşîn e. Berpirsiyartiya li beramberî nirxan e; nirxên madî yên manewî. Jixwe têkilî ye,
danûstandin e. Gelek beşên jiyanê di nav de ye, di çarçoveya pêkanîna erkên şoreşê de ye. Pêkanîna
erkên şoreşê çi ne Di roja me ya îro de pêkanîna erkên têkoşînê çi ne
Erkên ku bi qada leşkerî ve girêdayî hene. Di aliyê xwe perwerdekirina leşkerî, mewzîbûna rast,
tim ji bo parastina nirxên civakê hazir û amade be. Beramberî zêdegaviyên ji aliyê dijmin ve tên kirin
û gelek tiştên girêdayî vê rewşê hene.
Cardin erkên girêdayî avakirina civaka exlaqî û polîtîk hene. Bi taybetî jî di aliyê pêkanînê de,
birêxistinkirina komun, koperatîf û çêkirina meclîsan… Ev hemû kar in.
Niha sekna exlaqî çi ye Sekna exlaqî, pêkanîna van karan e. Biberpirsiyartî tevgerandin e. Wiha
tewîz dayîn, rev, xwe veşartin, xwe dana paş, ev hemû tiştên ku bi sekna exlaqî ve ne girêdayî ne û ne
di tewazinekî de ne. Xwe dayîna paş, nêzikbûnên kar dereng hiştin, bi her awayî bê berpirsiyariya li
hemberî erkên şoreşê. Yanî bê berpirsiyariya beramberî pêkanîna erkan, mirov nikare girêdana wê bi
sekneke exlaqî re çêbike.
Sekna exlaqî pêkanîna herî rast e; di heman demê de pêkanîna karên herî baş e. Çawaniya başbûnê
jî girêdayî bi çarçoveya girêdana kes ka çiqasî xizmeta civakê dike ye. Li ser vî esasî mirov sekna
exlaqî dikare binirxîne. Dervayî vê mirov nikare bêje kesayet li ser van pîvanên ku dibêjin: mirovek
aram e, bêdeng e, mulayîm e, helîm e, selîm e û xweşbînî ye. Mirov nikare pîvanên exlaqî bi vî rengî
tenê bigire dest. Çûna bi ser kar de, çêkirina rêxistin, bilindkirina asta têkoşîna ji bo azadiyê, sekna li
beramberî dagirkeran, ev hemû girêdayî sekna exlaqî ne. Yanî şopandina edaletê, heqîqet û azadiyê, ev
şopandin exlaqî ne. Bêexlaqiya herî mezin çi ye Dagirkerî ye, desthilatdarî ye, bi her awayî ev
taybetmendiyên civakê kêm dihêlin, bindestiyê tê de çêdikin, paşverûtiyê ferz dikin. Ev bêexlaqiya
herî mezin e.
Divê ev he rdu nêzikbûn bi hev re nejîn. Pîvanên exlaqî di nava rêxistinê de ji bo me mijareke
têkoşînê ye. Yanî liv û tevgera ku em nikarin peywendiya wê bi exlaqê rêxistinê re çêbikin, divê em bi
wan re nejîn. Li gel wan nejîn û mafê jiyanê jî ji wan re nehêlin. Ji ber ku tevgera ferd, yanî yê her
ferdekî nêzikbûn, liv û tevger, rabûn û rûniştin, nêzikbûna ji kar re, bi gelemperî taybetmendiyên wî
60