rustem-cudi-ideoloji

Bê wê mirovheziyê însan dikeve nîqaşê. Hîna zêdetir bi awayekî şênber weke Kurd di mijara
ekolojiyê de erkên me yên cidî hene. Destwerdana li ser erdnîgariya Kurdistanê tê kirin, rê li pêşiya
trajediyên mezin vedikin. Mînak, bendav tên çêkirin. Bendav ji bo çi tên çêkirin Biryara Kurdan di
çêkirina bendavê de tune ye, dewlet çêdike.
Bendav sektorek e, lê av amûrê jiyanê yê sereke ye. Avê dixin bin kontrola dewletê. Dikin bin
serweriya dewletê. Ev ava ku milkê her kesî ye, her kes jê feydê dibîne, dikeve bin kontrola dewletê,
wê demê dewlet yên dixwaze dide wan, yên naxwaze nade wan. Mînak li Bîrecîkê, Bendava Ataturk
çêkirin. Bi navê Projeya GAP‟ê. Wê bandoreke mezin li ekolojiyê kir. Ji ber çi, ji ber ku ev ahengeke
xwezayî ye: av dema diherike, li gorî xwe têra xwe diherike. Damarên avê hene û ambarên avê yên bin
erdê jî tijî dike. Her sal av bi xwe wan ambaran tijî dike. Lewra mirov li her derê dikare feydê ji wê
avê bibîne. Lê dema bendav datînî pêşberî wê, tu wan damaran qut dikî. Herwiha gelek cih dibin çol.
Mînak, çoltareke weke ya Heranê, ku berê dikarî ew qas însan xwedî bike. Bi pembûyê xwe, bi zadê
xwe û her tiştê xwe ve. Lê mixabin îro dibe çol.
Gel ji wir bar dikin. Dewlet hem damarê ava xwezayî qut kiriye û hem jî qenala ku çêkiriye jê avê
nade wî gelî. Ji ber ku Kurdayetî û welatparêzî li wir heye. Ji ber vê dide derên ji wan dûrtir, lê nade
wan. Ji ber çalakiyên wan yê siyasî wan ceza dike. Bio-îqtîdar, bi birçîkirinê anîna rêzê ev e.
Ji milekî din ve jî dîroka vî welatî di bin avê de dihêle. Tiştên têkûz ên dîrokê, peyker… di bin avê
de dihêle. Mebesta dewletê ji vê jî hesabên wê yên stratejîk in. Çiqasî golên mezin çêbike, ewqasî
têkiliya di navbera eyaletan, di navbera erdnîgariyan de qut bûnê pêk tîne. Bi vî rengî tevgera gêrîla
asteng dike. Dixwaze di rêka van bendavan re rêka van av û golan re çi bike Dixwaze bi vî derfetê
mafê jiyanê ji destê Kurdan derbixîne.
Lewra têkoşîna ekolojîk li gel me mijareke sereke ye. Bi şiyariyeke mezin divê em nêzik bibin. Ji
ber ku dijmin dixwaze Kurdistanê û erdnîgariya Kurdistanê bi temamî di çarçoveya berjewendiyên
xwe de birêxistin bike. Gel çi dixwaze na, lê ew çi dixwaze wê dike. Mînak gelê Dêrsimê nexwest
bendav li ser Çemê Mûnzûrê çêbibe, herwiha naxwazin li ser Çemê Dîcle û Firatê jî bendav çêbibin.
Lê dewletê çêkir Bi vî rengî hem Kurdistanê xerab dike, Kurdistan weke erdnîgariyeke ku gelê wê li
ser bijî na, lê tenê ji bo dewlet jê feydê bibîne van bendavan çê dike.
Ev asta herî bilind a dagirkeriyê ye, li beramberî vê rewşê bêdeng mayîn, tewîz dayîna dijmin e. Ji
bo vê qada ekolojîk weke qadeke luks yanî vala ye, wer hewce nîne, bê hizirandin şaş e. Tam
berovajiyê vê, qadeke divê mirov zêde baldariyê bidiyê û zêde jî li ser bisekine.
Di vê çarçoveyê de bi rêka ekolojî, demokrasî û azadiya cinsan mirov dikare nasnameya îdeolojîk a
tevgera PKK‟ê nîşan bide. Ferq û cudatiya di navbera dewlet û rêxistinên din de ev mijar diyar dikin.
Baş e, wê bi çi awayî bigihînin gel Me gotibû metod, metodê xebata îdeolojîk çi ne Li gel me sê
metodên sereke hene ew çi ne
Yek zanistî, lêgerîn, lêkolîn, xuliqkarî, di aliyê zanyariyê de, di aliyê peydakirina perspektîfên
xebatê de ye. Duyemîn, metodên ragihandinê, ragihandin. Sêyemîn metodê çand û hunerê ye. Lewra
em ê ji ya yekê dest pê bikin:
7- AVAKIRINA CIVAKA EXLAQÎ Û POLÎTÎK
Avakirina civaka exlaqî û polîtîk, di pratîkeke birêxistinî û zanistî re derbas dibe. Bi bîr û baweriyê
pêk tê. Zanistîbûn çi ye Zanistîbûn akademî ne, lêkolîn in û şîrovekirin in. Di van aliyan de,
Rêbertiya me di aliyê fikir de, di asta volqanekê de pêşketin çêkir. Bi taybetî ev deh, yanzdeh salên
dawiyê, parêznameyên Rêbertiyê di asta hilhatineke nû de ne. Ev rêze parêzname heta asta dawî
şîrovekirineke kûr ji civakê re ye, danîna rêkên çareseriyê ye. Li ser van parêznameyan gelek tişt
dikarin bên şîrovekirin. Lewra Rêbertiyê li ser zanistperestî, miliyetparêzî, dîngerî, Îslama siyasî,
dîroka Kurdistanê û pirsgirêkên Rojhilata Navîn gelek nirxandin û proje pêş xistin. Li ser van
hemûyan beş bi beş mirov dikare hem metodên perwerdê peyda bike, hem jî ji gel re bike nirxên
jêneger.
Di nav pratîka têkoşîna me de gelek kesayetên ku karibin rêveberiya xebatê bikin her demê hebûne.
Bê asteng kadroyên ku karibin xebatê bikin hene. Ew kadro yên em behsa wan dikin, di dibistanên
dijmin de mezin nabin, di heman demê de di saziya malbatê de jî mezin nabin. Ew kadro ancax di
zemînê akademiyan de perwerdeyeke bi bîr û baweriya girêdayî zanistê de mezin dibin. Di van aliyan
de qadeke me ya îdeolojîk heye. Ev qada îdeolojîk çi ye û çi di nav de ye
68