Libër leximi i gjuhës shqipe

ç) rimë të ngarkuar, ngarkuar kur të gjithë vargjet rimojnë midis tyre (mund të
shënohet me skemën AAAA). AAAA
Poezia mund të shkruhet edhe pa vargje të rimuara, nëpërmjet vargut
të lirë. lirë P.sh.:
Lexo, nëna ime, këtu, në gur
të fortë - dhembjen
dhe heshtjen tonë.
Lexo kohën e thikës dhe barotit.
Nehas Sopaj "Guri"
FSHATI IM
Andon Zako Çajupi
Çajupi është një ndër shkrimtarët e Rilindjes Kombëtare që u
angazhua shumë për fatin e femrës shqiptare të asaj kohe. Në vjershën
"Fshati im" për herë të parë flitet haptas për pozitën e vështirë të gruas, për
vuajtjen e femrës, e cila ishte e ngarkuar me punët e shtëpisë e të fushës, e
shtypur gjithnjë nga zakonet prapanike.
148
Malet me gurë,
fushat me bar shumë,
arat me grurë,
më tutje një lumë.
Fshati për karshi;
me kish' e me varre,
rrotull ca shtëpi,
të vogla fare.
Ujët të ftoftë,
era pun' e madhe,
bilbili ia thotë,
gratë si sorkadhe.
Burrat nën hije,
lozin kuvendojnë;
pika qe s'u bie,
se nga gratë rrojnë!
Gratë venë në arë,
dhe në vreshta gratë,
gruaja korr barë,
punon dit' e natë.
Gratë në të shirë,
në të vjela gratë,
ikin pa gdhirë,
kthehen me natë.
Gruaja për burrë,
digjet në diell,
punon e s'rri kurrë,
as ditën e diel.
O moj shqipëtarkë,
që vet i nget qetë,
edhe drek' e darkë,
kthehesh e bën vetë.
Moj e mjera grua,
ç'e do burrë zinë,
që ftohet në krua
dhe ti mban shtëpinë.