Libër leximi i gjuhës shqipe

MENDO DHE PËRGJIGJU
7. PËREMRI I PACAKTUAR
1. Pse e quajmë përemër të pacaktuar?
2. Thuaj ndonjë përemër të pacaktuar.
Përemrat e pacaktuar tregojnë frymorë ose sende në mënyrë të
pacaktuar. Këta përemra lakohen. Ja disa përemra të pacaktuar: dikush,
ndokush, kushdo, askush, gjithkush, një, njëri, ndonjë, ndonjëri,
asnjë, asnjëri, secili, gjithsecili, cilido, çdo, çfarëdo, gjithçka, diçka,
ca, disa, të gjitha etj.
Përemrat e pacaktuar përdoren shpesh si kryefjalë të fjalive, si kundrinorë
e përcaktorë. Kur janë të pashoqëruar me emra, përdoren në fjali
zakonisht si kryefjalë a kundrinorë; kur janë të shoqëruar me emra, përdoren
si përcaktorë.
��DETYRË
Në tabelën e mëposhme shihni dhe krahasoni lakimin e disa përemrave
të pacaktuar:
Rasa njëri njëra ndonjëri ndonjëra
E.
Gj.
Dh.
K.
Rr.
njëri
i (e) njërit
njërit
njërin
njërit
njëra
i (e) njërës
njërës
njërën
njërës
ndonjëri
i (e) ndonjërit
ndonjërit
ndonjërin
ndonjërit
ndonjëra
i (e) ndonjërës
ndonjërës
ndonjërën
ndonjërës
� � Ushtrimi 45: Nënvizoni përemrat e pacaktuar në fjalitë e
poshtëshënuara.
Tani atë e njihte gjithë vendi dhe ishte e natyrshme që të krenohej i
tërë qyteti. Këtë s'ia kam thënë asnjërit deri më sot. Secili prej tyre kishte
dëgjuar, por askush nuk donte ta pranonte këtë. Gjithsecili mendon për
vetvete. Kështjella madhështore, gjithsecilit i kishte ra në sy. Ai çfarëdo që
bënte, e bënte me nder. Çdo lodër e Gentit, i pëlqente edhe Enisit. Në
dyqanin e Besartit tërë ditën dikush hynte e dikush dilte, por askush nuk
ankohej nga mikpritja e tij.
65