“Mangaral ng Aking Ebanghelyo

4 Kilalanin ang Espiritu
100
Mga Tala
Kanyang mga biyaya sa iyo sa pamamagitan ng kaloob na Espiritu Santo. Inuutos Niya
na manatili kang karapat-dapat sa kaloob na ito at dapat na ikaw ay humiling, maghanap,
at kumatok (tingnan sa D at T 4:7, Mateo 7:7–8).
Nabubuhay tayo sa panahong naipropesiya ng mga propeta sa Aklat ni Mormon—ang
panahon kung kailan ang mga tao ay “makikipagtalo . . . sa isa’t isa, . . . at magtuturo sila
sa pamamagitan ng sarili nilang kaalaman, at itatatwa ang Espiritu Santo, na nagbibigay
ng pananalita” (2 Nephi 28:4; tingnan din sa 3 Nephi 29:6; Mormon 9:7–8). Pero maraming
tao ang nagnanais pa rin ng mga espirituwal na bagay. Kapag natuto kang tumanggap ng
personal na paghahayag, magtuturo ka nang may kapangyarihan at awtoridad (tingnan
sa Alma 17:3) dahil bibigyan ka ng Espiritu Santo ng kapangyarihang magsalita (tingnan
sa 1 Nephi 10:22).
Kailangang hangarin at tanggapin mo ang personal na paghahayag sa pamamagitan ng
Espiritu Santo sa pagtulong mo sa mga tao na mabinyagan at makumpirma. Manampalataya
na ikaw ay tatanggap ng personal na paghahayag para gabayan ka araw-araw. Tutulungan
ka ng Espiritu Santo sa bawat aspeto ng gawain mo.
Aktibiti: Personal na Pag-aaral
Sa katapusan ng patotoo ni Moroni, nagsulat siya ng “ilang pangungusap sa paraan ng
pagpapayo” (Moroni 10:2). Basahin ang Moroni 10 at isulat sa iyong sariling mga salita ang
ipinapayo ni Moroni na gawin ng mga mambabasa ng Aklat ni Mormon. (Ibig sabihin ng
magpayo ay maghikayat nang matindi o himukin ang isang tao na gumawa ng isang bagay.)
Ang Liwanag ni Cristo
Ang isang tao ay may kakayahang tumanggap ng espirituwal na gabay bago
mabinyagan at makumpirma. Nagsisimula ang espritiwal na impluwensiyang ito sa
liwanag ni Cristo, na “ipinagkakaloob sa bawat tao, upang malaman niya ang mabuti
sa masama” (Moroni 7:16; tingnan din sa mga talata 14–19).
Ang Liwanag ni Cristo ay “[b]anal na lakas, kapangyarihan, o impluho na nanggagaling
sa Diyos sa pamamagitan ni Cristo at nagbibigay ng buhay at ilaw sa lahat ng bagay.
Ito ang batas kung saan ang lahat ng bagay ay pinamamahalaan sa langit at sa lupa.
Tinutulungan din nito ang mga tao na maunawaan ang mga katotohanan ng ebanghelyo
at tinutulungang ilagay sila sa daan ng ebanghelyo na naghahatid sa kaligtasan.
“Ang Ilaw ni Cristo ay hindi dapat ipagkamali sa Espiritu Santo. Ang ilaw ni Cristo ay
hindi tao. Ito ay isang impluho na nanggagaling sa Diyos at naghahanda sa isang tao na
matanggap ang Espiritu Santo. Ito ay isang impluho para sa kabutihan sa buhay ng lahat
ng tao.
“Isang patunay na ang budhi ang ilaw ni Cristo, na tumutulong sa isang tao na pumili
sa tama at mali. Habang natututo ang tao tungkol sa ebanghelyo, ang kanilang budhi ay
lalong nagiging madaling makaramdam. Ang mga taong nakikinig sa ilaw ni Cristo ay
naaakay sa ebanghelyo ni Jesucristo” (Gabay sa mga Banal na Kasulatan, “Ilaw, Liwanag
ni Cristo,” 79–80; tingnan din sa D at T 84:46–47).
Sinabi ni Pangulong Boyd K. Packer, “Mahalaga para sa . . . misyonero . . . na malamang
kumikilos ang Espiritu Santo sa pamamagitan ng Liwanag ni Cristo. Ang guro ng mga
katotohanan ng ebanghelyo ay hindi nagtatanim ng isang bagay na kakaiba o bago sa isang
matanda o bata. Sa halip, ang misyonero o guro ay nakikipag-ugnayan sa Espiritu ni Cristo
na naroroon na. Ang ebanghelyo ay nagiging pamilyar na sa kanila” (“The Light of Christ,”
mensaheng ibinigay sa seminar para sa mga bagong mission president, Hunyo 22, 2004, 2).