“Mangaral ng Aking Ebanghelyo

Gumagawa ng Mabuti” ng kabanatang ito. Hikayatin ang mga miyembro na “magkaisa sa
pag-aayuno at mataimtim na panalangin alang-alang sa kapakanan ng mga yaong kaluluwa
na hindi nakakikilala sa Diyos” (Alma 6:6). Sa lahat ng ginagawa ninyo sa mga miyembro,
hangaring pasiglahin at patatagin ang kanilang pananampalataya para tulungan sila na
magawa ang gawaing misyonero.
Bukod pa sa pakikipagtulungan sa mga aktibong miyembro, maghanap ng mga taong
tuturuan sa pamamagitan ng mga prospective elder, di-gaanong aktibong miyembro, at
bagong miyembro. Malamang na maraming kaibigan ang mga miyembrong ito sa ibang
relihiyon at pagpapalain sa pagbabahagi nila ng ipinanumbalik na ebanghelyo sa kanilang
kapamilya at mga kaibigan.
Sa bawat pagbisita sa mga miyembro, gawin ang lahat para mahikayat sila na:
• Manalangin at sundin ang Espiritu.
• Maglingkod.
• Makipagkaibigan.
• Magsalita at ibahagi ang ipinanumbalik na ebanghelyo.
• Imbitahan ang iba na gawin ang mga bagay na magpapalakas ng kanilang pananampalataya
kay Cristo.
Ang bawat referral na matanggap ninyo sa miyembro ay dapat ituring na mahalaga.
Kapag nagbigay ang miyembro ng pangalan ng kaibigan para tawagan o bisitahin, kumilos
agad at ireport ang resulta sa miyembro.
Mga Ideya sa Pagtulong sa mga Miyembro
Maraming paraan para mahikayat ang mga miyembro na sumali sa gawaing misyonero. Isaisip
ang sumusunod na mga ideya:
• Hangarin ang gabay ng bishop at ng iba pang lider ng ward. Tingnan ang kabanata 13 para
sa karagdagang tulong sa bahaging ito.
• Ituro sa mga lider at miyembro ng Simbahan ang mensahe ng Panunumbalik at iba pang
mga lesson.
• Turuan silang mahalin at paglingkuran ang kanilang mga kapitbahay at kaibigan.
• Hikayatin silang mag-ayuno at manalangin para sa mga oportunidad na magturo.
• Hikayatin sila na bisitahin ang mga kakilala na kailan lang ay dumanas ng pagbabago sa
buhay (panganganak, kamatayan sa pamilya, pag-aasawa, kalilipat pa lamang).
• Imbitahan sila na tulungan kayong magturo. Magandang magsama kayo ng miyembro na
dating kabilang sa simbahan ng investigator.
• Tulungan silang magtakda ng petsa kung kailan nila iimbitahan ang mga kaibigan nila para
malaman ang tungkol sa mensahe ng Panunumbalik.
• Ipakita ang mga aytem na maaari nilang ipamigay sa iba, gaya ng mga kopya ng Aklat ni
Mormon, video, at kard.
• Hikayatin sila na imbitahin ang kanilang mga kaibigan na dumalo sa simbahan o family home
evening, panoorin ang video na ginawa ng Simbahan, o makilahok sa talakayan sa ebanghelyo.
• Tulungan silang magsanay ng sasabihin sa kanilang mga kaibigan.
• Ituro sa kanila ang kahalagahan ng pagbabahagi ng ebanghelyo anuman ang maging resulta nito.
Marami pang paraan para mas sumali ang mga miyembro. Sikaping dagdagan ang listahang ito
sa buong misyon mo. Ibahagi ang iyong mga ideya sa iba pang mga misyonero.
9 Paghahanap ng mga Tao
Mga Tala
185