“Mangaral ng Aking Ebanghelyo

9 Paghahanap ng mga Tao
196
Mga Tala
• Basahin ang mga pahina 66–68 ng Our Search for Happiness at mga pahina
59–64 ng True to the Faith para mas maunawaan ang doktrinal na pundasyon
ng gawain sa family history. Maghanda ng mensahe tungkol sa gawain sa family
history, at ibahagi ito sa iyong kompanyon.
• Kunwari nalipat kayo ng kompanyon mo sa bagong area. Nakita ninyo na maayos
ang area book, pero wala kayong mga investigator. Ano ang gagawin ninyo para
madagdagan kaagad ang tinuturuan ninyo? Planuhing gawin ang ilan sa mga
ideyang ito ngayon.
• Ang sumusunod na ideya ay nakatulong na mabuti sa maraming misyonero at
miyembro. Basahin at pag-aralan ang ideyang ito kasama ang iyong kompanyon.
– Tulungan ang mga miyembro na maglista ng mga kaibigan, kamag-anak, at
kakilala na mababahagian nila ng ebanghelyo. Rebyuhin ang listahang ito sa
mga miyembro. Tulungan sila na piliin nang may panalangin ang taong gusto
nilang ihanda para makinig sa ebanghelyo.
– Tulungan silang magtakda ng petsa kung kailan sila ay (a) kikilos para maihanda
ang tao o pamilya at mapaturuan sa kanilang tahanan o (b) gumawa
ng ilang aktibiti ng pag-fellowship para ihanda sila. Ang pagtatakda ng petsa ay
nagbibigay ng mithiin sa miyembro at tumutulong sa kanila na manampalataya.
– Tulungan silang magplano ng kanilang gagawin simula ngayon hanggang sa
petsang itinakda.
– Subaybayan sila palagi para suportahan at hikayatin sila. Imbitahan sila na
ibahagi ang kanilang tagumpay at mga problema.
Pag-usapan kung paano ninyo maisasagawa ang ideyang ito sa lugar kung saan
kayo naglilingkod.
Mga District Meeting at Zone Conference
• Basahin at talakayin ang bahaging “Paghahanap ng Matuturuan sa Pamamagitan
ng Sarili Ninyong Pagsisikap.”
– Pag-usapan kung paano nakatulong sa mga misyonero ang mga ideyang ito sa
paghahanap ng matuturuan.
– Sa pisara, ilista ang iba pang mga ideya sa paghahanap ng mga taong tuturuan.
Imbitahan ang mga misyonero na ipakita ang kanilang mga ideya.
– Imbitahan ang mga misyonero na magtakda ng sariling mithiin para mapagbuti
ang paghahanap nila ng tuturuan.
• Gumawa ng listahan ng mga paraan ng paghahanap ng tuturuan.
– Bigyan ang bawat misyonero ng isa sa mga sitwasyon. Bigyan ng 5 minuto ang
bawat misyonero para makapaghanda kung paano niya ituturo ang mensahe ng
Panunumbalik. Patingnan sa kanila ang lesson na “Ang Mensahe ng Panunumbalik
ng Ebanghelyo ni Jesucristo” kung kinakailangan.
– Bigyang-diin na mahalagang iangkop ang haba ng mensahe sa sitwasyon.
Halimbawa, maaaring mas matagal ang pagtuturo ng mga misyonero sa bahay
ng miyembro kaysa kung magtuturo sila sa isang tao na nasa tindahan.
– Kung may oras pa ay ipaturo sa lahat ng misyonero ang mensahe ng panunumbalik
batay sa sitwasyon na naka-assign sa kanila.