“Mangaral ng Aking Ebanghelyo

1 Ang Layunin Ko
6
Mga Tala
Aktibiti: Personal na Pag-aaral o Pag-aaral ng Magkompanyon
Tingnan ang ipinintang larawan ni Cristo na nag-oordena ng mga Apostol, at pagkatapos ay
basahin ang Juan 15:1–16.
Sa paanong paraan naging puno ng ubas si Cristo? Paano kang naging sanga ng puno ng ubas
na iyon? Paano nauugnay dito ang pagbubukod o pagka-set apart sa iyo?
Basahin muli ang iyong ministerial certificate. Isulat ang nadarama mo at nasa isip mo tungkol
sa binasa mo. Sa tuwing pag-aaralan mo ang kabanatang ito, ulitin ang prosesong ito. Pansinin
kung paanong magbabago ang damdamin mo sa paglipas ng panahon.
Pag-aralan ang Doktrina at mga Tipan 109:13–15, 21–30, 38–39, 55–57, na mga hango sa
inspiradong panalangin ni Propetang Joseph Smith sa dedikasyon ng Kirtland Temple. Anong
mga pagpapala ang hiniling ni Joseph Smith para sa matatapat?
Ang Ebanghelyo ni Jesucristo
Ipinaliliwanag ng ebanghelyo ni Jesucristo ang iyong mensahe at iyong layunin: ibig
sabihin, ipinaliliwanag nito kung “ano” ang gawaing misyonero at “bakit” ito ginagawa.
Ipinaliwanag ng Panginoon ang Kanyang ebanghelyo para isama ang ilang napakahalaga
at pangunahing mga doktrina. Bumaba Siya sa mundo para gawin ang kagustuhan ng
Kanyang Ama, at ipinadala Siya ng Kanyang Ama sa mundo para ibangon mula sa krus.
Sa pamamagitan ng Kanyang Pagbabayad-sala at Pagkabuhay na Mag-uli, lahat ng tao
ay ibabangon para humarap kay Cristo para mahatulan sa kanilang mga gawa, mabuti
man ito o masama. Ang mga sumasampalataya kay Cristo, nagsisisi ng kanilang mga
kasalanan, at nagpapabinyag sa pangalan ni Cristo ay maaaring dalisayin sa pamamagitan
ng Espiritu Santo. Kung magtitiis sila hanggang wakas, tatayo silang walang bahiddungis
sa harap ni Cristo sa huling araw at papasok sa kinaroroonan ng Panginoon. Sila
ay pawawalang-sala ni Cristo sa harap ng Kanyang Ama. Siya ang magiging kanilang
Tagapamagitan. Ang mga hindi makapagtitiis nang buong katapatan hanggang wakas ay
“mapuputol at ihahagis sa apoy . . . dahil sa katarungan ng Ama” (Tingnan sa 3 Nephi
27:13–22; ihambing sa 2 Nephi 31:10–21; 3 Nephi 11:31–41; D at T 76:40–42, 50–53.)