“Mangaral ng Aking Ebanghelyo

Pag-aaralang mga Banal na Kasulatan
Mosias 15:11–12 D at T 21:1–7 Mga Taga Efeso 2:19–20
Alma 13:1–16 D at T 136:37–38 Mga Taga Efeso 4:11–14
3 Nephi 12:1–2 Juan 15:16 Sa Mga Hebreo 5:4
D at T 1:37–38 Mga Gawa 10:34–44 Amos 3:7
Mga Pangakong Gagawin
• Makikipagkita ka ba sa bishop?
• Sasang-ayunan at susundin mo ba ang payo ng mga lider ng Simbahan?
Mga Angkop na Tanong sa Lesson para sa Interbyu sa Binyag
• Naniniwala ka ba na si [kasalukuyang Pangulo ng Simbahan] ay propeta ng Diyos? Ano ang
ibig sabihin nito sa iyo?
Sundin ang Sampung Utos
Binibigyan tayo ng Ama sa Langit ng mga kautusan para malaman natin kung ano
ang gagawin at ano ang iiwasan para matanggap ang mga biyayang gusto Niyang ibigay
sa atin (kagalakan, katahimikan ng budhi, walang katapusang kaligayahan). Inihayag ng
Diyos kay Moises ang Sampung Utos para gabayan ang Kanyang mga tao:
• “Huwag kang magkakaroon ng ibang mga dios sa harap ko” (Exodo 20:3). Kabilang sa
ibang “mga dios” ang mga ari-arian, kapangyarihan, o katanyagan.
• “Huwag kang gagawa para sa iyo ng larawang inanyuan” (Exodo 20:4).
• “Huwag mong babanggitin ang pangalan ng Panginoon mong Dios sa walang
kabuluhan” (Exodo 20:7).
• “Alalahanin mo ang araw ng sabbath upang ipangilin” (Exodo 20:8).
• “Igalang mo ang iyong ama at ang iyong ina” (Exodo 20:12).
• “Huwag kang papatay” (Exodo 20:13).
• “Huwag kang mangangalunya” (Exodo 20:14).
• “Huwag kang magnanakaw” (Exodo 20:15).
• “Huwag kang magbibintang sa iyong kapuwa” (Exodo 20:16).
• “Huwag kang mag-imbot” (Exodo 20:17).
Ang Sampung Utos ay totoo pa rin ngayon. Tinuturuan tayo ng mga ito na sambahin
at magpakita ng paggalang sa Diyos. Itinuturo din nito sa atin kung paano tratuhin ang
bawat isa.
Walang Ibang mga Diyos
Ang mga tao sa maraming kultura ay nagbibigay-galang sa mga bagay na nagpapaalaala sa
kanila sa Diyos o sa mga ninuno. Minsan ang mga bagay na ito, gaya ng mga istatuwa, simbolo
ng relihiyon, o maliit na altar, ay maaari din nilang sambahin. Tulungan silang maunawaan na
inutusan tayo ng Panginoon na huwag sasamba sa mga diyus-diyosan. Hikayatin sila na alisin
sa kanilang tahanan ang anumang bagay na sinasamba o dinadasalan nila. Tulungan sila na
ipokus ang kanilang pananampalataya at pagsamba sa kanilang Ama sa Langit at kay Jesucristo.
Ituro sa kanila na ang ibinalik na ebanghelyo ni Jesucristo ay nakapokus sa buhay na Cristo.
3 Mag-aral at Magturo
Lesson 4:
Ang mga Kautusan
Mga Tala
85