“Mangaral ng Aking Ebanghelyo

4 Kilalanin ang Espiritu
112
Mga Tala
Mga Ideya na Pag-aaralan at Isasagawa
Personal na Pag-aaral
• Isulat ang iyong mga espirituwal na karanasan sa iyong journal. Halimbawa,
sagutin ang mga tanong tulad ng: Lalo ko bang naunawaan ang mga bagay
sa pag-aaral ko ng mga banal na kasulatan? Nagkaroon ba ako ng kakaibang
oportunidad na makilala ang mga tao na maaari kong bahaginan ng mensahe?
Naibigay ba sa akin ang mga salitang sasabihin ko sa oras na kailangan ko ang
mga ito? Nakadama ba ako ng matinding pagmamahal sa mga taong nakilala ko?
Paano sinagot ang aking mga panalangin?
• Hatiin sa dalawang hanay ang isang pahina. Pamagatan ang isang hanay ng
“Ang Ginawa ng Panginoon” at ang isang hanay naman ng “Ang Ginawa ni Lehi
o Nephi.” Basahin ang kuwento tungkol sa Liahona at ang nabaling busog
(1 Nephi 16:9–30) o ang kuwento ng paggawa ni Nephi ng sasakyang-dagat
(1 Nephi 17:7–16; 18:1–6). Habang binabasa mo ito, isulat ang mga pangyayari
mula sa kuwento sa angkop na hanay. Isipin kung ano ang maituturo sa iyo ng
kuwento tungkol sa diwa ng inspirasyon.
• Basahin ang iyong journal at maghanap ng mga pagkakataon kung kailan naakay ka
ng Espiritu o nakaranas ka ng paghahayag o ng iba pang kaloob ng Espiritu. Isipin
kung kailan, saan, at bakit nangyari ang mga karanasang ito. May ginawa ka ba
para maihanda ang sarili mo sa gayong karanasan? Paano naipakita sa karanasang
ito ang impluwensiya ng Panginoon? Ano ang nadama mo? Ano ang gagawin mo
para magkaroon ng gayunding mga karanasan? Ang pag-alaala sa mga karanasang
ito ay makatutulong sa iyo na makilala at matanggap muli ang Espiritu.
• Ang aklat ng Mga Gawa sa Biblia ay tinawag na “Aklat ng Mga Gawa ng Espiritu
Santo sa pamamagitan ng mga Apostol.” Basahin ang mga chapter heading ng
aklat ng Mga Gawa at ipaliwanag kung bakit angkop ang pamagat na ito. Humanap
ng katibayan na magbibigay-katwiran sa paliwanag mo.
• Pag-aralan at pagnilayin ang sumusunod na payo. Paano ito nauugnay sa iyong
pagpo-proselyte sa araw-araw?
“Sabihin sa mga kapatid na maging mapagpakumbaba at manampalataya at
tiyaking taglay ang Espiritu ng Panginoon, at aakayin sila nito sa tama. Magingat
at huwag itaboy ang marahan at banayad na tinig; ituturo nito sa kanila
ang gagawin at kung saan pupunta; magbibigay ito ng bunga ng kaharian.
Sabihin sa mga kapatid na panatilihing bukas ang kanilang puso sa matibay na
paniniwala, upang sa sandaling pumasok ang Espiritu Santo sa kanilang mga
puso ay maging handa silang tanggapin ito. Malalaman nila ang kaibhan ng
Espiritu ng Panginoon sa ibang mga espiritu—magbubulong ito ng kapayapaan
at galak sa kanilang mga kaluluwa; aalisin nito ang malisya, poot, pagtatalo at
lahat ng kasamaan sa kanilang mga puso, at ang hahangarin lamang nila ay
ang gumawa ng mabuti” (sinipi sa Juvenile Instructor, Hulyo 19, 1873, 114).
Ibinigay ni Propetang Joseph Smith ang payo na ito kay Brigham Young sa
panaginip halos tatlong taon mula nang mamatay si Joseph Smith. Kung ikaw
ang nasa lugar ni Brigham Young at natanggap mo ang payo na ito, ano ang
gagawin mo?
• Pag-aralan ang Alma 33:1–12; 34:17–29, 38. Anong mga tanong ang sinasagot
ni Alma? (Rebyuhin ang Alma 33:1–2.) Paano nasagot ni Alma ang mga tanong
na ito? Anong mga katiyakan ang ibinigay niya na naririnig at sinasagot ng Diyos
ang mga panalangin?
• Ipinangako ng Panginoon na gagabayan tayo ng Espiritu sa maraming mahahalagang
paraan. Sa pagbabasa mo ng sumusunod na mga talata, tukuyin ang mga
aspeto ng gawain mo na nangangailangan ng paggabay ng Espiritu. Ano ang ibig