“Mangaral ng Aking Ebanghelyo

Ang Ating Buhay sa Lupa
Ang buhay sa lupa ay isang oportunidad at biyaya. Ang layunin natin sa buhay na ito
ay magkaroon ng kagalakan at maghandang bumalik sa piling ng Diyos. Sa mortalidad
daranasin natin kapwa ang pisikal at espirituwal na kamatayan. Ang Diyos ay may
perpekto, niluwalhati, at imortal na katawan na may laman at buto. Para maging tulad
ng Diyos at makabalik sa piling Niya, dapat ay mayroon din tayong imortal na katawang
may laman at buto. Pero dahil sa Pagkahulog nina Adan at Eva, bawat tao sa lupa ay
may katawang mortal na hindi perpekto at sa bandang huli’y mamamatay. Kung hindi
dahil sa Tagapagligtas na si Jesucristo, kapag namatay ang tao ay wala nang pag-asa pa
ang lahat na makapiling ang Ama sa Langit balang-araw.
Kaakibat ng pisikal na kamatayan, ang kasalanan ang pinakamalaking hadlang na pipigil
sa atin na maging katulad ng ating Ama sa Langit at makabalik sa Kanyang piling. Sa ating
mortal na kalagayan madalas tayong natutukso, lumalabag sa mga kautusan ng Diyos, at
nagkakasala. Sa ating buhay sa lupa bawat isa sa atin ay nagkakamali. Kahit kung minsan
ay parang kabaligtaran ang nangyayari, laging nauuwi sa kalungkutan ang kasalanan.
Nagiging sanhi ng dusa at kahihiyan ang kasalanan. Dahil sa ating mga kasalanan, hindi
tayo makababalik sa piling ng Ama sa Langit maliban kung napatawad at nalinis muna tayo.
Habang narito tayo sa buhay na ito, magkakaroon tayo ng mga karanasang magpapasaya
sa atin. May mga karanasan din tayong magdudulot sa atin ng pait at kalungkutan,
ang ilan ay dahil na rin sa mga kasalanang nagagawa ng iba. Ang mga karanasang ito
ay nagbibigay sa atin ng pagkakataong matuto at umunlad, na malaman ang mabuti sa
masama, at pagkakataong pumili. Iniimpluwensiyahan tayo ng Diyos na gumawa ng
mabuti; tinutukso tayo ni Satanas na magkasala. Tulad ng pisikal na kamatayan, hindi
natin madadaig ang epekto ng kasalanan nang mag-isa. Wala tayong magagawa kung
wala ang Pagbabayad-sala ni Jesucristo.
Pag-aaralang mga Banal na Kasulatan
Panahon ng Pagsubok
2 Nephi 2:21 Alma 12:21–24 Abraham 3:25–26
2 Nephi 9:27 Alma 34:31–35
Mosias 3:19 Alma 42:2–10
Pagpili
2 Nephi 2:26–29 Para sa Lakas ng mga
Joshua 24:15 Kabataan, “Karapatang
Pumili at Pananagutan”
Mabuti at Masama
Moroni 7:12–19
Kasalanan
Mga Taga Roma 3:23 I Ni Juan 1:8–10 I Ni Juan 3:4
Hindi Makakasama ng Diyos ang Marurumi
I Nephi 10:20–21
Alma 41:10–11
3 Nephi 27:19 Moises 6:57
3 Mag-aral at Magturo
Lesson 2:
Ang Plano ng Kaligtasan
Mga Tala
55