“Mangaral ng Aking Ebanghelyo

3 Mag-aral at Magturo
Lesson 4:
Ang mga Kautusan
82
Mga Tala
Pag-aaralang mga Banal na Kasulatan
2 Nephi 32:8–9 D at T 6:22–23 D at T 19:28
Enos 1:1–12 D at T 8:2–3 I Mga Hari 19:11–12
Alma 34:17–28 D at T 9:7–9 Gabay sa mga Banal na Kasulatan,
Moroni 10:3–5 “Panalangin”
Pangakong Gagawin
• Luluhod ka ba at mananalangin araw-araw nang mag-isa at kasama ang pamilya?
Pag-aralan ang mga Banal na Kasulatan
Ang mga banal na kasulatan ay mga isinulat na rekord tungkol sa pakikitungo ng Diyos
sa Kanyang mga anak na isinulat ng mga propeta sa ilalim ng impluwensiya ng Espiritu
Santo. Ipinapakita natin ang ating pananampalataya sa pamamagitan ng pag-aaral, paniniwala,
at pagsunod sa mga inihayag na salita ng Diyos. Masigasig nating sinasaliksik ang
mga banal na kasulatan para maunawaan ang katotohanan. Nagpapakabusog tayo sa mga
ito dahil binubuksan ng mga ito ang pinto sa paghahayag at ipinakikita ang dapat nating
gawin at marating. Sinasaliksik natin ang mga banal na kasulatan para malaman ang tungkol
kay Jesucristo at sa Kanyang ebanghelyo. Ang pananampalataya kay Jesucristo ay
regalong mula sa Diyos at dumarating sa pamamagitan ng pag-aaral at pamumuhay sa
Kanyang salita at Kanyang ebanghelyo. Ang inaprubahang mga banal na kasulatan ng
Simbahan, na tinatawag ding pamantayang mga banal na kasulatan, ay ang Banal na
Biblia, ang Aklat ni Mormon, ang Doktrina at mga Tipan, at ang Mahalagang Perlas.
Dapat nating pag-aralan ang mga sagradong aklat na ito araw-araw.
Pag-aaralang mga Banal na Kasulatan
1 Nephi 19:22–23 2 Nephi 31:19–20 Juan 20:31
2 Nephi 9:50–51 2 Nephi 32:3–5 II Kay Timoteo 3:14–17
2 Nephi 25:26 Alma 32:28–30 II Ni Pedro 1:20–21
2 Nephi 29:1–13 Juan 5:39
Pangakong Gagawin
• Babasahin mo ba ang mga banal na kasulatan nang mag-isa at kasama ang pamilya?
Panatilihing Banal ang Araw ng Sabbath
Ang ating pag-uugali sa araw ng Sabbath ay larawan ng pangako nating igagalang at
sasambahin ang Diyos. Sa pagpapanatiling banal sa araw ng Sabbath, ipinakikita natin
sa Diyos ang ating kahandaang tuparin ang ating mga tipan. Tuwing araw ng Sabbath
nagpupunta tayo sa bahay ng Panginoon para sambahin Siya. Habang naroon tumatanggap
tayo ng sakrament upang alalahanin si Jesucristo at ang Kanyang Pagbabayadsala.
Pinaninibago natin ang ating mga tipan at ipinakikita na handa tayong magsisi ng
ating mga kasalanan at kamalian.