“Mangaral ng Aking Ebanghelyo

10 Mga Kasanayan sa Pagtuturo
220
Mga Tala
Mga Ideyang Pag-aaralan at Isasagawa
Personal na Pag-aaral
• Kunwari ay nalagay ka sa sumusunod na mga sitwasyon. Paano mo gagamitin ang
mga alituntunin at kasanayan sa kabanatang ito para matulungang umunlad ang
mga taong ito? Iplano kung paano isasagawa ang mga ito sa bawat sitwasyon.
– Habang naglalakad sa parke, nakita mo ang isang babae at batang lalaki na
nakaupo sa bangkito. Umiiyak ang babae.
– Dumating ka sa bahay ng investigator na naghahanda para magpabinyag, at
sinabi nila sa iyo na ayaw na nilang makita ka pa.
– Makikipagkita ka sa ikapitong pagkakataon sa investigator na tinuruan ng ilang
misyonero sa loob ng dalawang taon. Kakaunti lang ang naging pag-unlad
kung mayroon man.
– Sinisimulan mo pa lang turuan ang isang pamilya ng mensahe ng ebanghelyo
nang sabihin nilang, “Sinabi na namin sa lahat ng kakilala namin na ipakikilala
sila sa mga misyonero, at tumanggi silang lahat.”
• Pumili ng isa sa mga lesson ng misyonero. Tumukoy ng isa o dalawang banal
na kasulatan mula sa bawat pangunahing alituntunin. Magpraktis magturo mula
sa mga talatang nakalista sa bahaging “Gamitin ang mga Banal na Kasulatan”
sa kabanatang ito.
• Sa paglipas ng ilang linggo, rebyuhin ang mga turo ng Tagapagligtas sa Mga
Ebanghelyo (Mateo, Marcos, Lucas, Juan) at 3 Nephi. Sa study journal mo,
gumawa ng listahan ng mga itinanong Niya. Ihambing ang mga tanong na ito
sa mga karaniwan mong itinatanong.
• Basahin ang salaysay nina Ammon at Haring Lamoni sa Alma 18 at ang salaysay
ni Aaron sa Alma 22:4–18. Habang nagbabasa ka, tukuyin at ilarawan kung paano
ginawa nina Ammon at Aaron ang mga sumusunod:
– Pagsunod sa Espiritu at pagtuturo nang may pagmamahal.
– Pagsisimulang magturo.
– Pag-aangkop ng kanilang mga pagtuturo para matugunan ang mga
pangangailangan.
– Pagpapatotoo.
– Paggamit ng mga banal na kasulatan.
– Pagtatanong, pakikinig, at paglutas ng mga alalahanin.
– Paghikayat sa mga tinuturuan nila na gawin ang mga pangako.
• Isiping mabuti ang pahayag na ito ni Pangulong Harold B. Lee tungkol sa
pagtuturo para maunawaan. Suriin kung gaano mo kalinaw na naituro ang
mga doktrina ng ebanghelyo. Irekord ang natutuhan mo sa iyong study journal.
“Maaari bang manatili kayo sa konteksto ng mga banal na kasulatan at gawin
itong simple para maunawaan” (The Teachings of Harold B. Lee, tinipon ni
Clyde J. Williams [1996], 444).
“Ngayon bilang mga guro kayo ay hindi ipinadala para magturo ng bagong
doktrina. Dapat ninyong ituro ang lumang doktrina. Huwag naman itong gawing
napakasimple kung kaya naiintindihan lang nila, kundi dapat ninyong ituro ang
mga doktrina ng Simbahan nang napakalinaw para hindi sila magkamali sa pagunawa
dito” (The Teachings of Harold B. Lee, 458).