“Mangaral ng Aking Ebanghelyo

Ang Plano ng Kaligtasan
Ang Iyong Layunin
Habang ikaw ay nagtuturo, ihanda ang iyong mga investigator na maging kwalipikado para
sa binyag gaya ng itinuro sa Doktrina at mga Tipan 20:37 at sa mga tanong para sa interbyu
sa binyag. Ang pinakamainam na paraan para magawa ito ay sa pamamagitan ng pag-imbita sa
mga investigator mo na gawin at tuparin ang mga nakalista sa ibaba.
Mga Tanong para sa Interbyu sa Binyag
• Naniniwala ka ba na ang Diyos ang ating Amang Walang Hanggan?
• Naniniwala ka ba na si Jesucristo ay ang Anak ng Diyos, ang Tagapagligtas at Manunubos
ng daigdig?
• Handa ka bang panatilihing banal ang araw ng Sabbath, makibahagi ng sakrament linggulinggo
at maglingkod sa mga kapwa miyembro?
Mga Pangakong Gagawin
• Magdarasal ka ba para malaman kung totoo ang itinuro namin?
• Pagsisisihan mo ba ang iyong mga kasalanan?
• Sasama ka ba sa amin na magsimba sa Linggo?
• Susundan mo ba ang halimbawa ng Tagapagligtas at magpapabinyag sa (petsa)?
• Maaari ba tayong mag-iskedyul ng susunod naming pagbisita ?
• Mga kautusan sa lesson 4 na napili mong isama.
Pagtulong sa Iba na Malaman ang Tungkol kay Jesucristo
Ang mga misyonero ay dapat magpatotoo tungkol kay Jesucristo at imbitahan ang lahat na
lumapit sa Kanya para maligtas. Ang pagbibigay ng partikular na mga tagubilin tungkol sa
Tagapagligtas ay mahalaga sa mga taong walang gaanong alam o kaya’y hindi nakakikilala sa
Kanya. Ang Aklat ni Mormon: Isa Pang Tipan ni Jesucristo ay dinisenyo para tulungan ang lahat
ng tao na malaman na “si Jesus ang Cristo, . . . nagpapatunay ng kanyang sarili sa lahat ng
bansa” (pahina ng pamagat ng Aklat ni Mormon). Isa sa mga pinakamabisang paraan para
magturo at magpatotoo tungkol sa Tagapagligtas ay ang magkasamang pagbabasa ng Aklat
ni Mormon. Makakatulong din ang mga talata mula sa iba pang mga pamantayang aklat o
standard work.
3 Mag-aral at Magturo
Lesson 2:
Ang Plano ng Kaligtasan
Mga Tala
51