“Mangaral ng Aking Ebanghelyo

Bilang sagot sa mga tanong na, “Paano natin makikilala ang mga panghihikayat ng
Espiritu?” Binasa ni Pangulong Gordon B. Hinckley ang Moroni 7:13, 16–17 at pagkatapos
ay sinabi: “Iyan ang pagsubok, matapos ang lahat. Hinihikayat ba nito ang isang tao na
gumawa ng mabuti, bumangon, manindigan, gawin ang tama, maging mabait, maging
bukas-palad? Kung gayon ito ay sa Espiritu ng Diyos. . . .
“Kung ito ay nanghihikayat na gumawa ng mabuti, ito ay sa Diyos. Kung ito ay nanghihikayat
na gumawa ng masama, ito ay sa diyablo. . . . At kung ginagawa mo ang tama
at namumuhay nang tama, malalaman mo sa iyong puso kung ano ang sinasabi sa iyo
ng Espiritu.
“Makikilala mo ang mga panghihikayat ng Espiritu sa pamamagitan ng mga bunga
ng Espiritu—yaong nagbibigay-liwanag, yaong nagpapalakas, yaong positibo at sinasangayunan
at nagbibigay-inspirasyon at umaakay sa atin sa mas mabubuting kaisipan at salita
at gawa ay sa Espiritu ng Diyos” (Teachings of Gordon B. Hinckley, 260–61).
Sinasagot ng Diyos ang iyong mga dasal sa pamamagitan ng personal na inspirasyon
at paghahayag. Sa pamamagitan ng Espiritu Santo ay gagabayan ka Niya sa paghanap ng
mga tao, sa pagtuturo mo ng ipinanumbalik na ebanghelyo, at sa pagpapalakas mo ng mga
di-gaanong aktibong miyembro at mga bagong binyag. Ang iyong gawain ay mamuhay
nang karapat-dapat, manalangin nang taimtim, at matutong kilalanin at lakas-loob na
sundin ang paggabay ng Espiritu.
Pag-asa sa Espiritu
Bilang tagapaglingkod ng Panginoon, kailangang gawin mo ang Kanyang gawain sa
Kanyang pamamaraan at Kanyang kapangyarihan. Tiwala ang ilang misyonero na alam
nila kung paano magtagumpay. Ang ilan ay kulang sa gayong tiwala. Gayunman, tandaan
na ang iyong tiwala at pananampalataya ay dapat na kay Cristo, hindi sa sarili mo. Umasa
sa Espiritu sa halip na sa iyong sariling mga talento at kakayahan. Magtiwala na gagabayan
ka ng Espiritu sa bawat aspeto ng iyong gawain. Itinuro ni Propetang Joseph Smith
na ang Espiritu ay mahalaga sa pagtuturo at pangangaral:
“Walang makapangangaral ng Ebanghelyo kung wala ang Espiritu Santo” (History of
the Church, 2:477).
“Ang ilan ay tinawag at naorden sa Espiritu ng paghahayag at propesiya, at nagsimulang
mangaral habang ibinibigay ng Espiritu ang kanilang sasabihin, at bagamat mahina,
sila ay napalakas ng kapangyarihan ng Diyos” (History of the Church, 4:538).
“Si [Joseph Smith] ay nagbigay ng tagubilin sa mga Elder tungkol sa pangangaral
ng Ebanghelyo, at binigyang-diin sa kanila ang kahalagahan ng pagtatamo ng Espiritu,
upang makapangaral sila taglay ang Espiritu Santong isinugo mula sa langit” (History
of the Church, 4:13).
Sa iyong lingguhan at araw-araw na pagpaplano, kailangan mong itanong ang ilang
pangunahing tanong araw-araw—o maraming beses sa bawat araw (tingnan ang kasunod
na Pag-aaralang mga Banal na Kasulatan para sa halimbawa ng mga tanong). Hingin ang
inspirasyon para masagot ang mga tanong na ito sa paraang tutugon sa bawat sitwasyon.
Dapat gamitin ang mga sagot sa mga plano mo. Pero dapat handa ka ring sundin ang
Espiritu at baguhin ang mga plano mo kapag may mga dumarating na pagkakataong
hindi mo nakinita noon.
Pag-aralan ang sumusunod na mga banal na kasulatan at isipin kung paano masasagot
ng mga ito ang mahahalagang tanong na dapat itanong sa bawat araw. Isipin kung ano
ang ibig sabihin ng mga talatang ito sa paghahanap mo ng tuturuan, pagpaplano, at
4 Kilalanin ang Espiritu
Mga Tala
109