“Mangaral ng Aking Ebanghelyo

Mga Ideyang Pag-aaralan at Isasagawa
Personal na Pag-aaral
• Basahin ang liham na ito ng misyonero sa kanyang mga mga magulang:
“Naturuan ko ang isang kahanga-hangang babae sa bus. Pabalik na kami noon
mula sa district meeting, at iyon lang ang bakanteng upuan kaya’t umupo ako at
sinimulang basahin ang sulat ko. Siyempre, ang una kong binasa ay ang sa iyo,
na may retrato ng sanggol na si Evan. Napansin kong nakatingin din sa mga
retrato ang katabi ko, at nagkatinginan kami ng matandang babae. Ngumiti siya
at tumingin sa bintana. Pumikit siya na parang matutulog. Nagdasal ako, ‘Ama
sa Langit, gusto ko siyang kausapin. Tulungan po ninyo ako.’ Ilang minuto ang
lumipas, dumilat siya at umupo nang tuwid, at agad kong sinabi, ‘Di ba cute
siya?’ Ipinakita ko sa kanya ang retrato ni baby Evan at nagkuwento sa kanya
tungkol sa pamilya. Tinanong ko kung nasaan ang mga anak niya. Naiyak siya
at ikinuwento sa akin kung gaano ang galit sa kanya ng anak niyang babae at
walang pakialam sa kanya. Umiyak siya at napaiyak din ako. Sinabi ko sa kanya
ang tungkol sa plano ng kaligtasan. Sinabi kong kilala siya ng Ama sa Langit
at alam Niya ang pinagdaraanan niya. Umiyak ako at sinabi na mahal siya ng
kanyang anak dahil anak ako ng inang nagmamahal sa akin, at mahal ko si
Inay. Ipinaliwanag ko na minsan masama ang nagiging desisyon ng mga tao at
may kalayaang pumili ang kanyang anak. Sabi niya sa akin na nakangiti, ‘Siguro,
na-mimiss ka ng nanay mo at hindi ka na niya papayagang umalis kapag nagkita
kayong muli!’ Nagpasalamat siya sa pakikipag-usap ko sa kanya at ibinigay ang
kanyang address para maibahagi namin ang ebanghelyo sa kanya. Nang pababa
na siya sa bus, sabi niya, ‘Nagkamali ako ng sakay ng bus, pero hindi ako
bumaba. Walang tumabi sa akin hanggang sa dumating ka . . . at heto ang
nangyari.’ Perpekto ang plano ng Diyos!”
Anong mga alituntunin sa kabanatang ito ang nakita mo sa kuwentong ito?
Rebyuhin ang kabanata at ilista sa iyong study journal. Alin sa mga alituntuning
ito ang sisikapin mong gawin ngayon?
• Basahin ang Juan 15:12–13; 21:15–17; I Mga Taga Tesalonica 2; at Mosias
18:8–10. Gaano kahusay mong nagagampanan ang iyong responsibilidad na
mahalin at paglingkuran ang iba? Paano mo pa itong mapagbubuti? Isulat ang
iyong sagot sa iyong study journal.
• Paano malalaman ng tao na tagapaglingkod ka ng Panginoon? Habang iniisip mo
ang tanong na ito, pag-aralan ang Moroni 7:3–5; Mateo 7:20; Juan 13:34–35.
Irekord ang naiisip mo sa iyong study journal.
• Basahin ang 3 Nephi 18:31–32; Alma 8:16; Alma 24:7–8; at Alma 32:41. Isaisip
ang itinuturo ng mga talatang ito tungkol sa pagtuturo sa mga dating investigator.
Irekord ang natutuhan mo sa iyong study journal at ituro ito sa kompanyon mo.
Pag-aaral ng Magkompanyon
• Gamit ang iyong daily planner, planuhin na makipagkita sa mga bagong
miyembro. Hilingin sa kanila na ibahagi kung paano sila naghanda para sa
ebanghelyo. Itanong ang mga ito: Kailan kayo unang nagkaroon ng kontak sa
Simbahan? Ano ang nakakumbinsi sa inyo na makipagkita sa mga misyonero?
Isulat ang natutuhan mo sa inyong study journal.
• Isa-isang rebyuhin ang mga paksang ito. Gamit ang mga lesson, maghanda ng
simpleng paraan ng paghahanap ng matuturuan. Magsanay na magturo habang
naghahanap ng tuturuan at kaagad iugnay ang bawat paksa sa Panunumbalik.
– Nadaramang kailangan ng dagdag na patnubay at layunin sa buhay.
– Gustong lalong mapalapit sa Diyos.
– Kailangan ng tulong sa mahahalagang desisyon.
9 Paghahanap ng mga Tao
Mga Tala
195