“Mangaral ng Aking Ebanghelyo

5 Aklat ni Mormon
120
Mga Tala
Tagapagligtas sa mga Nephita (tingnan sa 3 Nephi 11–28). Ang mga taong kakaunti
o kaya’y walang alam tungkol sa Tagapagligtas ay makikilala Siya sa pamamagitan
ng pagbabasa, pag-iisip nang mabuti, at pagdarasal tungkol sa Aklat ni Mormon.
Pinagtitibay ng patotoo ng Aklat ni Mormon ang patotoo ng Biblia na si Jesus ang
Bugtong na Anak ng Diyos at Tagapagligtas ng mundo. Sa pagtuturo mo ng kabuuan
ng ebanghelyo ni Jesucristo, madalas kang magpapatotoo tungkol sa Tagapagligtas at
Manunubos ng daigdig. Sa kapangyarihan ng Espiritu Santo, idaragdag mo ang iyong
buhay na patotoo sa katotohanan ng mensaheng ito.
Pag-aaralang mga Banal na Kasulatan
Anong mga dahilan ang ibinigay ng mga propeta ng Aklat ni Mormon sa pagsulat
ng kanilang mga rekord?
1 Nephi 6:4–6 2 Nephi 33:13–15 Mga Salita ni Mormon 1:3–8
1 Nephi 9:3–5 Jacob 1:4–7 Alma 37:2, 14
2 Nephi 4:15–16 Jacob 4:1–6, 12 3 Nephi 5:14–15
2 Nephi 25:23–29 Enos 1:13 Mormon 8:35
2 Nephi 26:15–16 Jarom 1:2 D at T 3:16–20
2 Nephi 29:11–14 Omni 1:25–26 D at T 10:46–48
Sinusuportahan ng Aklat ni Mormon at ng Biblia ang Isa’t Isa
Iba-iba ang paniniwala ng mga tao tungkol sa Biblia. Naniniwala ang ilan na ang
Biblia ay perpekto, walang mali, at ito lang ang kailangan natin para maligtas. Iniisip
naman ng iba na ang Biblia ay literatura na dapat pag-aralan, ngunit ayaw nilang
tanggapin na ito ay ebidensya ng kabanalan ni Cristo at ng mga himala o direktang
paghahayag mula sa Diyos. Pinili ng ilan na balewalain ang Biblia, at ang iba naman
ay hindi pa nakakita ng Biblia o nagkaroon ng pagkakataong basahin ito.
Ang mga Banal sa mga Huling Araw ay “naniniwala na ang Biblia ay salita ng Diyos
hangga’t ito ay nasasalin nang wasto” (Saligan ng Pananampalataya 1:8). Ang Aklat ni
Mormon ay hindi nakikipagkumpetensya sa Biblia, kundi sinusuportahan ito, hinihimok
tayong basahin ito, at nagpapatunay sa katotohanan ng mensahe nito. Dapat mong
gamitin ang Aklat ni Mormon at ang Biblia para suportahan ang isa’t isa.
Binabanggit ng Aklat ni Mormon ang sinaunang mga tipan na ginawa ng Diyos sa Kanyang
mga anak; ikinukuwento ng Biblia ang mga dakilang propeta na tumanggap din sa
mga tipan na ito sa pamamagitan ng pananampalataya. Ang Aklat ni Mormon ay nagpapatotoo
kay Cristo at sa Kanyang Pagbabayad-sala; nakasaad sa Biblia ang tungkol sa Kanyang
pagsilang, ministeryo, kamatayan, Pagbabayad-sala, at Pagkabuhay na Mag-uli. Sa gayon,
ang Biblia at Aklat ni Mormon ay kabuuan ng isa’t isa at pinagyayaman ang bawat isa.
Ang Ingles na edisyon ng LDS ng King James Version ng Biblia at ang Aklat ni
Mormon ay may mga cross-reference at gabay sa pag-aaral at pinag-iisa nito sa ating
kamay (tingnan sa Ezekiel 37:15–17; tingnan din sa 1 Nephi 13:34–41; 2 Nephi 3:12; 29:8)
ang tungkod ni Juda (ang Biblia) at ang tungkod ni Jose (ang Aklat ni Mormon). Bigyang
priyoridad ang mga talata sa Aklat ni Mormon kapag nagtuturo ka, ngunit ipakita din
kung paanong iisang alituntunin ang ipinakikita ng Aklat ni Mormon at ng Biblia.
Gamitin ang Aklat ni Mormon upang linawin at ipaliwanag ang mga talata ng Biblia.
Halimbawa, sinasabi sa Bagong Tipan na si Cristo ay nabinyagan sa “pagganap ng buong
katuwiran” (Mateo 3:14–15). Ipinaliliwanag ng Aklat ni Mormon ang ibig sabihin ng
pagganap ng buong katuwiran (tingnan sa 2 Nephi 31:5–9).