“Mangaral ng Aking Ebanghelyo

5. Makinig na mabuti. Isiping isama ang sumusunod:
• Pakinggang mabuti ang mga taong nagsasalita ng wika. Gayahin ang naririnig mo.
• Kapag may narinig ka na hindi mo naiintindihan, isulat ito at alamin ang kahulugan
nito. Praktising gamitin ang bokabularyo o kaayusan ng pangungusap.
• Kapag nakikinig, tukuyin ang bokabularyo at kaayusan ng karirinig mo lang na
mga salita.
• Kapag may narinig kang kataga na iba ang paraan ng pagkabigkas, isulat at praktisin
ito. Gayunman, bilang tagapaglingkod ng Panginoon, palaging gumamit ng angkop
na pananalita, huwag gumamit ng slang o salitang-kanto.
• Ilista ang mga bagay na maaaring sabihin ng mga tao sa iyo sa oras ng mga nakaplano
ninyong aktibiti. Hanapin ang mga salita at kataga na nauugnay sa mga sagot na ito.
Planuhin at praktisin ang mga paraan ng pagsagot mo.
6. Pagbutihin ang iyong pagbabasa at pagsusulat. Basahin ang Aklat ni Mormon sa wikang
gamit sa inyong misyon para mapag-aralan ang bokabularyo at mga kataga at mapraktis
ang gramatika, pagbigkas, at tatas sa pagsasalita. May kapangyarihan sa paggamit ng mga
banal na kasulatan sa iyong pag-aaral ng wika. Isaisip din ang sumusunod na mga ideya:
• Pag-aralang basahin at isulat ang alpabeto, iskrip, o mga letra (titik) ng inyong wika.
Sa mga wikang letra ang gamit sa pagsulat, magpokus sa pagbabasa, tulad ng
pagbabasa ng banal na kasulatan, na makatutulong sa iyo kapag ikaw ay nagtuturo.
• Basahin nang malakas ang Aklat ni Mormon, ang iba pang mga banal na kasulatan,
o mga magasin ng Simbahan sa wikang gamit sa iyong misyon. Bigyang pansin ang
di-pamilyar na bokabularyo, mga kataga, at gramatika. Kung hindi mo nauunawaan
ang isang salita, sikaping unawain ang kahulugan nito sa konteksto ng talata bago ito
tingnan sa diksyunaryo. Idagdag ang salita sa iyong mga kard na sinusulatan. Basahin
kapwa sa iyong katutubong wika at sa wikang gamit sa misyon ang mga banal na
kasulatan kung kinakailangan.
• Magpatulong at magpaturo sa iba sa iyong pagbigkas, tono ng pananalita, at tamang
paghinto sa iyong pagbabasa.
• Magpraktis na magsulat sa wikang gamit sa iyong misyon—halimbawa, mga personal
na tala at paalala, liham, pasasalamat, at panghihikayat. Isulat ang iyong patotoo sa
mga kopya ng Aklat ni Mormon na inyong ipinamimigay.
7. Hingin ang tulong ng iba. Isiping isama ang sumusunod na mga ideya:
• Kung ito ang katutubong wika ng
kompanyon mo, samantalahin ang
malaking pagkakataon na ito sa
pamamagitan ng madalas na pagtatanong
at paghingi ng feedback.
• Hilingin sa kompanyon mo at sa mga
nagsasalita ng wikang ito na itama ka o
magmungkahi ng mga paraan para
mapagbuti mo pa ito. Kung may ginamit
silang salita na hindi mo nauunawaan,
hilingin na ipaliwanag nila ito sa iyo.
Ang mga bata at mga lolo’t lola ay
karaniwang handang tumulong.
7 Pag-aralan ang Wika
Mga Tala
149