“Mangaral ng Aking Ebanghelyo

6 Mga Katangiang Tulad ng Kay Cristo
136
Mga Tala
Kabaitan
Ang kabaitan ay nagmumula sa kaloob-looban ng iyong isipan at hangarin. Huwaran
ito ng pag-iisip at pag-uugali na nakabatay sa mataas na pamantayan ng moralidad.
Dahil ang Espiritu Santo ay hindi nananahanan sa maruruming templo, kailangan ang
kabaitan para matanggap ang patnubay ng Espiritu. Ang pinipili mong isipin at gawin
kapag nag-iisa ka at sa palagay mo’y walang sinumang nakakakita ay mainam na
sukatan ng iyong kabaitan.
Ang mababait na tao ay malinis at dalisay ang espiritu. Nakatuon sila sa mabuti,
nagpapasiglang kaisipan at inaalis sa isipan nila ang masasamang kaisipan na humahantong
sa di tamang pagkilos. Sinusunod nila ang mga utos ng Diyos at payo ng mga lider
ng Simbahan. Ipinagdarasal nilang bigyan sila ng lakas na mapaglabanan ang tukso at
gawin ang tama. Mabilis nilang pinagsisisihan ang anumang kasalanan o pagkakamali.
Namumuhay sila nang marapat sa rekomend sa templo.
Ang isipan mo ay parang entablado sa teatro; gayunpaman sa teatro ng iyong isipan,
isang artista lang ang puwedeng nasa entablado sa isang pagkakataon. Kapag naiwang
walang tao ang entablado, papasok ang maruruming kaisipan at madalas pumapasok sa
entablado ang kasalanan para manukso. Pero walang kapangyarihan ang mga kaisipang
ito kung ang iyong isipan ay okupado ng mabubuting kaisipan, tulad ng sinaulong himno
o talata sa banal na kasulatan na maiisip mo sa oras ng tukso. Sa pagkontrol sa entablado
ng iyong isipan, matagumpay mong mapaglalabanan ang walang tigil na pang-aakit na
magpatangay sa tukso at malulong sa kasalanan. Magiging dalisay at mabait ka.
Pag-aaralang mga Banal na Kasulatan
Ano ang ibig sabihin ng maging mabait?
D at T 4:6 D at T 46:33 II Ni Pedro 1:3–8
D at T 25:2 D at T 121:45–46 Gabay sa mga Banal na Kasulatan,
D at T 38:24 Mga Saligan ng
Pananampalataya 1:13
“Kabaitan”
Kaalaman
Iniutos ng Panginoon, “Maghangad na matuto, maging sa pamamagitan ng pag-aaral
at gayon din sa pamamagitan ng pananampalataya” (D at T 88:118). Siya rin ay nagbabala,
“Hindi maaari para sa isang tao na maligtas dahil sa kamangmangan” (D at T 131:6).
Maghangad ng kaalaman, lalo na ng espiritwal na kaalaman. Pag-aralan ang mga banal
na kasulatan araw-araw, at pag-aralan din ang mga salita ng mga buhay na propeta. Sa
pamamagitan ng pag-aaral at pagdarasal, humingi ng tulong para sa partikular na mga
tanong, hamon, at oportunidad. Bigyan ng espesyal na atensyon ang mga talata sa banal
na kasulatan na magagamit mo sa pagtuturo at sa pagsagot sa mga tanong tungkol sa
ipinanumbalik na ebanghelyo.
Pag-isipan kung paano mo maipamumuhay ang mga alituntunin ng ebanghelyo. Sa
iyong masigasig na pag-aaral, nang may panalangin at tapat na layunin, paliliwanagin
ng Espiritu Santo ang iyong isipan, tuturuan ka, at tutulungan kang maunawaan ang
kahulugan ng mga banal na kasulatan at ang mga turo ng mga buhay na propeta.
Magkakaroon ka rin ng kaalaman sa pamamagitan ng pagmamasid at pakikinig sa iba,