“Mangaral ng Aking Ebanghelyo

Mga Ideyang Pag-aaralan at Isasagawa
Personal na Pag-aaral
• Gamit ang iyong daily planner, magplanong makipag-usap sa mga bagong
miyembro at mga miyembrong bago pa lang napapaaktibo tungkol sa mga
pagbabago ng kanilang buhay at pagdalo sa simbahan. Ano ang nakatulong
sa kanila nang lubos? Sa iyong study journal, isulat ang naisip mo tungkol sa
kanilang karanasan. Ano ang natutuhan mo na makatutulong sa pagtuturo mo
sa mga investigator ninyo sa kasalukuyan.
• Pag-aralan ang 2 Nephi 31:18–20; Alma 26:1–7 at 32:32–43; at Moroni 6. Isulat
ang natutuhan mo mula sa mga talatang ito tungkol sa pagpapalakas sa mga
bagong miyembro.
Pag-aaral ng Magkompanyon
• Sa ward council meeting, itanong sa bishop kung mayroong di-gaanong aktibong
miyembro sa area ninyo na gusto niyang bisitahin ninyo sa linggong ito. Sa
pagbisita ninyo sa mga di-gaanong aktibong miyembro, hangaring palakasin
ang kanilang pananampalataya kay Jesucristo. Hingan sila ng mga referral.
• Pag-aralan ang I Mga Taga Corinto 3:2; Sa Mga Hebreo 5:12; at Doktrina at mga
Tipan 19:22. Ano ang tinutukoy na gatas dito? Ano ang karne? Ikumpara ang
inyong sagot sa mga doktrina sa kabanatang, “Ano ang Pag-aaralan Ko at Ituturo?”
Bakit dapat kayong magbigay ng gatas at karne sa tamang pagkakasunud-sunod
at tamang dami? Paano ninyo gagawin iyon?
• Basahin ang sumusunod na sipi, kung saan inilarawan ni Pangulong Joseph F.
Smith ang nadama niya noong siya’y binyagan:
“Ang nadama ko ay dalisay na kapayapaan, pagmamahal, at liwanag. Nadama ko
sa aking kalooban na nagkasala ako—at tunay ngang nagkasala ako—na ito’y
pinatawad na; na totoong nalinis ako mula sa kasalanan. Naantig ang puso ko, at
nadama ko na hindi ko magagawang saktan ang kahit na pinakamaliit na insekto
sa aking talampakan. Nadama ko na parang gusto kong gumawa ng mabuti
saanman, kaninuman, at sa lahat ng bagay. Nakadama ako ng paninibago ng
buhay, panibagong hangaring gawin kung ano ang tama. Walang naiwan ni
katiting na hangaring gumawa ng masama sa kalooban ko. . . . Ito ang nadama
ko, at alam kong iyon ay mula sa Diyos. Ito ay naging at nanatiling buhay na
patotoo sa akin ng pagtanggap ko sa Panginoon” (Gospel Doctrine, ikalimang
edisyon [1939], 96).
Ngayon basahin ang sinabi ni Pangulong Smith tungkol sa nadama niya matagal
nang panahon mula nang binyagan siya.
“Ah! kung magagawa ko lang na taglayin ang gayunding damdamin at hangarin
sa aking puso sa bawat sandali ng buhay ko mula [sa araw na ako’y binyagan]
hanggang sa ngayon. Ngunit marami sa atin na nakatanggap ng patotoong iyon,
ng bagong pagsilang na iyon, ng gayunding pagbabago ng puso, bagama’t tayo
ay nagkamali sa paghusga o nakagawa ng maraming pagkakamali, at siguro
madalas ay hindi lubos na nakasunod sa tunay na mga pamantayan sa ating
buhay, ay pinagsisihan ang kasalanan. Lagi nating hinihingi ang kapatawaran
ng Panginoon; upang hanggang sa araw na ito ang hangarin at layuning iyon na
pumuno sa ating kaluluwa nang tayo ay binyagan at matanggap ang kapatawaran
ng ating mga kasalanan, ay nanatili pa rin sa ating mga puso, at siya pa ring
nangingibabaw na damdamin at bugso ng ating kaluluwa” (Gospel Doctrine, 96).
– Ano ang personal mong natutuhan mula kay Pangulong Smith tungkol sa iyong
sariling patotoo at pangakong ipamuhay ang ebanghelyo?
– Ano ang natutuhan mo tungkol sa mga problema na kinakaharap ng mga
bagong miyembro, kahit ng mga magiging propeta, matapos ang binyag?
13 Mga Lider ng Stake at Ward
Mga Tala
255