“Mangaral ng Aking Ebanghelyo

4 Kilalanin ang Espiritu
104
Mga Tala
Aktibiti: Personal na Pag-aaral
• Basahin ang isa o dalawa sa mga talatang ito, at isiping mabuti kung ano ang dapat madama
ng investigator para magbalik-loob. Isulat ang iyong nadarama at impresyon sa iyong study
journal. Talakayin ang iyong mga ideya sa ibang mga misyonero at miyembro.
2 Nephi 4:16–35; Enos 1; Mosias 4–5; 18:7–14; 27–28; Alma 5; 17–22; 32; 36; 38
• Basahin ang isa o dalawa sa mga talatang ito at isiping mabuti kung ano ang dapat mong
madama bilang misyonero at bilang miyembro para makapagturo nang may kapangyarihang
magpabalik-loob. Isulat ang iyong nadarama at impresyon sa iyong study journal. Talakayin
ang iyong mga ideya sa ibang mga misyonero at miyembro.
1 Nephi 8:11–12; Mosias 28:1–4; Alma 26; 29; 31:26–38; 32; Moroni 7:43–48; D at T 4;
18:10–16; 50:21–22
Pag-aaralang mga Banal na Kasulatan
Ano ang itunuturo ng mga banal na kasulatang ito tungkol sa kapangyarihan ng Espiritu
sa gawain mo?
2 Nephi 33:1–2 D at T 50:13–22 I Mga Taga Corinto 2:11–14
D at T 42:11–17 Mga Gawa 2:37–38 Gabay sa mga Banal na Kasulatan,
“Pagbabalik-loob, Magbalik-loob”
Ano ang magagawa mo para madama ang kapangyarihan ng Espiritu sa iyong gawain?
Alma 32:27–28 D at T 42:14 Juan 7:17
Bakit mahalaga na ituro ang nalalaman at pinaniniwalaan mo?
Alma 5:43–47 D at T 52:9 D at T 80:4
Manalangin nang may Pananampalataya
Makapagtuturo ka sa pamamaraan ng Panginoon sa pamamagitan lamang ng kapangyarihan
ng Espiritu, at matatanggap mo ang Espiritu sa pananalangin nang may pananampalataya.
Sabi ng Panginoon, “At ang Espiritu ay ibibigay sa inyo sa pamamagitan
ng panalangin nang may pananampalataya; at kung hindi ninyo natanggap ang Espiritu
kayo ay hindi magtuturo” (D at T 42:14)). Sa pananalangin mo na tulungan ka sa iyong
pagtuturo, dadalhin ng kapangyarihan ng Espiritu Santo ang iyong itinuturo “sa puso
ng mga anak ng tao” (2 Nephi 33:1).
Inilarawan ni Pangulong Hinckley ang alituntuning ito sa pagsasalaysay ng naranasan
niya sa misyon:
“Lagi kong naaalala ang dalawang binatang naglingkod sa misyon ko. Ang isa ay
kilalang tao. Mataas ang pinag-aralan niya. Matalino siya. Mabilis siya. Medyo may
kayabangan. Ang isa naman ay pintor ng mga karatula. Mula siya sa gawaan ng karatula
at di gaanong nakapag-aral, pero alam niya ang mga kakulangan niya at umasa sa
Panginoon. Kapag siya’y nagdarasal, alam mong nakikipag-usap siya sa Panginoon.
Hindi iyon sauladong dasal, kundi isang pakikipag-usap. At ang binatang iyon ay
nakagawa ng mga kagila-gilalas na bagay samantalang ang isa ay basta gumawa nang
walang dahilan. Ang kapangyarihan na taglay ng isa at ang kawalan ng kapangyarihan
nung isa pa ay kitang-kita. Tumawag sa Panginoon. Ibinigay Niya ang paanyaya, at Siya
ay sasagot” (Teachings of Gordon B. Hinckley [1997], 469).