“Mangaral ng Aking Ebanghelyo

1 Ang Layunin Ko
14
Mga Tala
Pangulong Brigham Young (1847–1877)
“Walang babae o lalaki sa Simbahang ito na hindi nakamisyon. Ang misyong iyon ay
magtatagal hangga’t sila’y nabubuhay, at ito ay ang gumawa ng mabuti, itaguyod ang kabutihan,
ituro ang mga alituntunin ng katotohanan, at pangunahan ang kanilang sarili at ang lahat
ng nakapalibot sa kanila na ipamuhay ang mga alituntuning iyon upang sila’y magkaroon ng
buhay na walang-hanggan” (Discourses of Brigham Young, sel. John A. Widtsoe [1954], 322).
Pangulong John Taylor (1880–1887)
“Tungkulin nating ipangaral ang ebanghelyo sa lahat ng tao. . . . Iyan ang inaasahan sa atin
ng Diyos” (The Gospel Kingdom, sel, G. Homer Durham [1943], 234–35).
Pangulong Wilford Woodruff (1889–1898)
“Naparito tayo sa lupa dahil sa isang misyon; . . . na magkaroon tayo ng kapangyarihan
na humayo at balaan ang mga bansa ng mundo. . . . Bilang mga elder ng Israel, kakaunti sa
atin ang lubos na nakauunawa sa ating posisyon, sa ating tungkulin, sa ating kaugnayan sa
Diyos, sa ating responsibilidad, o sa gawain ng Panginoon na hinihingi sa ating mga kamay”
(The Discourses of Wilford Woodruff, sel. G. Homer Durham [1946], 124).
Pangulong Lorenzo Snow (1898–1901)
“Walang mortal na tao na lubos na interesado sa tagumpay ng isang elder kapag ipinangangaral
niya ang ebanghelyo gaya ng isinugo ng Panginoon na ipangaral niya sa mga tao na mga
anak ng Panginoon” (The Teachings of Lorenzo Snow, tinipon ni Clyde J. Williams [1984], 70).
Pangulong Joseph F. Smith (1901-1918)
“Mayroon tayong misyon sa mundo: bawat lalaki, bawat babae, bawat bata na nakauunawa
na o nasa edad na ng pananagutan, ay kailangang . . . maging kwalipikadong
mangaral ng katotohanan, na magbigay patotoo sa katotohanan” (Gospel Doctrine, ika-13
edisyon [1968], 251–52).
Pangulong Heber J. Grant (1918-1945)
“Tayo ay may isang dakilang bagay na gagawin, at ito ay ang manawagan sa daigdig na
pagsisihan ang kasalanan, na lumapit sa Diyos. At higit kaninuman tungkulin nating humayo
at ipangaral ang ebanghelyo ng Panginoong Jesucristo, ang panunumbalik muli sa lupa ng
plano ng buhay at kaligtasan. . . . Tunay na nasa atin ang mahalagang perlas. Nasa atin ang
bagay na higit na mahalaga kaysa lahat ng yaman at siyentipikong impormasyong angkin ng
mundo. Nasa atin ang plano ng buhay at kaligtasan. . . . Ang pinakamainam na paraan sa
mundo para ipakita ang ating pagmamahal sa ating kapwa ay ang humayo at ipangaral ang
ebanghelyo ng Panginoong Jesucristo, at binigyan Niya tayo ng lubos na kaalaman hinggil
sa kabanalan nito” (sa Conference Report, Abr. 1927, 175–76).
Pangulong George Albert Smith (1945–1951)
“Iyan ang ating misyon, mga kapatid ko sa Simbahan, iyan ang ating responsibilidad.
Natanggap ninyo ito nang walang bayad at umaasa ang ating Ama sa Langit na ibabahagi
ninyo ang mga maluwalhating katotohanang ito sa iba pa Niyang mga anak nang walang
bayad” (Sharing the Gospel with Others, sel. Preston Nibley [1948], 213).
“Makakamit lamang natin ang ating kadakilaan sa Kahariang Selestiyal kung ibabahagi
natin sa iba pang mga anak ng ating Ama ang mga pagpapala ng Ebanghelyo ni Jesucrsito
at susundin ang mga kautusan na magpapayaman sa ating buhay dito at sa kabila” (Sharing
the Gospel with Others, 190).
Pangulong David O. McKay (1951-1970)
“Bawat miyembro . . . ay misyonero!” (sa Conference Report, Abr. 1959, 122).
“Ang tunay na Kristiyanismo ay pagmamahal na isinasagawa. Wala nang mas mainam na
paraan ng pagpapakita ng pagmamahal sa Diyos kaysa sa pagpapakita ng di-makasariling
pagmamahal sa ating kapwa-tao. Ito ang diwa ng gawaing misyonero” (Gospel Ideals [1954], 129).