“Mangaral ng Aking Ebanghelyo

matiyak na nauunawaan nila ang mga alituntuning itinuro ninyo at ang gagawin nilang
tipan. Ipaliwanag din na ang interbyu ay pagkakataon para patunayan nila sa harap ng
kinatawan ng Panginoon na handa na sila para sa mga sagradong ordenansang ito. Sa
pagtupad nila sa mga tipan na ginawa sa binyag at kumpirmasyon, makatatanggap sila
ng kapatawaran ng kanilang mga kasalanan. Ibahagi ang mga itatanong ng mag-iinterbyu
tungkol sa paniniwala nila sa mahahalagang doktrina, pagsisisi nila sa mga nagawang
pagkakasala, at kung handa na silang makipagtipan na susundin si Jesucristo habambuhay.
Bigyang-diin na ang binyag sa tubig ay hindi kumpleto kung walang kumpirmasyon at
kaloob na Espiritu Santo.
Aktibiti: Personal na Pag-aaral o Pag-aaral ng Magkompanyon
• Basahin ang bawat isa sa mga talatang ito at gumawa ng listahan ng buod ng mga
kwalipikasyon para sa binyag at kumpirmasyon na nasa mga banal na kasulatan.
2 Nephi 9:23; 31:4–13 3 Nephi 27:13–21 D at T 20:37
Mosias 18:8–10 Moroni 6:1–4 D at T 22
Alma 7:14–15 Moroni 8:25–26 Mga Gawa 2:37–39
• Sa interbyu sa binyag, ang mga bibinyagan ay tinatanong kung handa silang taglayin sa
kanilang sarili ang pangalan ni Cristo. Ano ang magagawa mo para maunawaan nila ang
tanong na ito? Habang pinag-iisipan mo ang tanong na ito, pag-aralan ang mga banal na
kasulatang ito:
Mosias 4–5 Mosias 26:18, 21–27 3 Nephi 27:1–10
Mosias 18:1–11
Maaari kang maghanap ng iba pang talata na makatutulong sa iyo na maunawaan ang
alituntuning ito.
Paano Isasagawa ang Interbyu
Dapat gamitin ng taong nagsasagawa ng interbyu ang mga tanong para sa interbyu sa
binyag sa patnubay ng Espiritu para malaman kung nagawa ba ng mga bibinyagan ang
kwalipikasyong nasa Doktrina at mga Tipan 20:37. Dapat rin niyang iakma ang mga
tanong sa edad at kahustuhan ng isip ng taong bibinyagan.
Kung ang taong bibinyagan ay hindi pumasa batay sa mga tanong sa interbyu sa
binyag, hindi dapat ituloy ang binyag at kumpirmasyon. Dapat tumanggap ng karagdagang
pagtuturo ang mga investigator sa mga full-time na misyonero at pag-fellowship
mula sa mga miyembro ng ward.
Ang district leader o zone leader na nagsasagawa ng interbyu ay dapat:
• Idaos ang interbyu sa komportable at pribadong lugar kung saan madarama ang
Espiritu ng Panginoon. Dapat ay malapit lamang ang kompanyon ng nag-iinterbyu.
• Magsimula sa panalangin.
• Tulungan ang bibinyagan na maging komportable.
• Gawing masiglang espirituwal na karanasan ang interbyu.
• Tiyakin na nauunawaan ng bibinyagan ang layunin ng interbyu.
• Itanong ang mga tanong para sa interbyu sa binyag. Gumamit ng mga tanong na pang
follow up para madama ang tibay ng patotoo at taos na pagsisisi ng tao.
12 Binyag at Kumpirmasyon
Mga Tala
235