“Mangaral ng Aking Ebanghelyo

Sa paggamit mo sa Aklat ni Mormon at sa Biblia bilang magkasamang tomo ng banal
na kasulatan, maaalis nila ang pagtatalo at maiwawasto ang maling doktrina (tingnan sa
2 Nephi 3:12).
Ganito ang itinuturo ng Biblia tungkol sa batas ng mga saksi: “Sa bibig ng dalawang
saksi o ng tatlo ay papagtibayin ang bawa’t salita” (II Mga Taga Corinto 13:1). Bilang pagayon
sa batas na ito, kapwa ang Aklat ni Mormon at Biblia ay nagpapatotoo kay Jesucristo.
Aktibiti: Personal na Pag-aaral o Pag-aaral ng Magkompanyon
Hanapin ang mga cross-reference sa sumusunod na mga paksa sa Aklat ni Mormon at Biblia.
Ang mga halimbawa ay nasa mga panaklong kasunod ng bawat paksa. Idagdag ang sarili mong
mga talata at paksa.
• Mga Propeta (Amos 3:7 at Jacob 4:4–6)
• Apostasiya (II Kay Timoteo 4:3–4 at 2 Nephi 28)
• Panunumbalik (Mga Gawa 3:19–21 at 1 Nephi 13:34–42)
• Mga Anak ng Diyos (Mga Gawa 17:29 at 1 Nephi 17:36)
Pag-aaralang mga Banal na Kasulatan
Ano ang sinasabi ng Biblia tungkol sa Aklat ni Mormon?
Juan 10:16 Ezekiel 37:15–17 Gabay sa mga Banal na Kasulatan,
Isaias 29:4, 11–18 “Ephraim,” sa subheading na:
Ang Talaan ni Ephraim o Jose
Ano ang sinasabi ng Aklat ni Mormon tungkol sa Biblia?
1 Nephi 13:20–29, 40–41
2 Nephi 29:3–14
3 Nephi 23:1 Mormon 7:8–9
Sa paanong mga paraan kapwa nagsisilbing mga tipan ni Cristo ang dalawang aklat na ito?
2 Nephi 29:8 Juan 20:31 Mga Gawa 10:43
Sinasagot ng Aklat ni Mormon ang mga Tanong ng Kaluluwa
Sinabi ni Pangulong Ezra Taft Benson na “kailangang ipakita [ng mga misyonero]
kung paano sinasagot [ng Aklat ni Mormon] ang malalaking katanungan ng kaluluwa”
(“Flooding the Earth with the Book of Mormon,” Ensign, Nob. 1988, 5).
Maaaring kabilang sa “malalaking katanungan ng kaluluwa” ang mga tulad nito: Mayroon
ba talagang Diyos? Nabuhay na ba ako bago pa ako ipinanganak? Mabubuhay ba ako
matapos akong mamatay? Ano ang layunin ng buhay? Si Jesus nga ba ang Tagapagligtas?
Ang ibang mga tanong ay maaaring magpokus
sa mas temporal na pangangailangan: Paano ko
pagbubutihin ang aking relasyon sa aking asawa?
Paano ko matutulungan ang aking mga tinedyer
na umiwas sa droga o imoralidad? Paano ako
makahahanap ng trabaho para masuportahan
ang aking pamilya?
Tinutulungan tayo ng ebanghelyo ni Jesucristo
na sagutin ang ganitong uri ng mga tanong.
Kapag nagkaroon tayo ng pananampalataya na
totoo ang Aklat ni Mormon, masisimulan nating
sagutin ang mga tanong tungkol sa layunin ng
buhay at pag-asa sa buhay na walang hanggan.
5 Aklat ni Mormon
Mga Tala
121