“Mangaral ng Aking Ebanghelyo

1 Ang Layunin Ko
4
Mga Tala
Pagtuturo sa Pamamagitan ng Espiritu
Dahil ang ebanghelyo ni Jesucristo ay ang “kapangyarihan ng Dios sa ikaliligtas ng
bawat sumasampalataya” (Mga Taga Roma 1:16), ang mensahe ng Panunumbalik ng
ebanghelyo ay kailangang ituro nang may banal na kapangyarihan—ang kapangyarihan
ng Espiritu Santo, na siyang ikatlong miyembro ng Panguluhang Diyos o Godhead.
Siya’y madalas tawaging Espiritu, at ang isa sa Kanyang mga papel na ginagampanan
ay ang magturo at magpatotoo hinggil sa katotohanan. Habang ikaw ay nagtuturo gamit
ang kapangyarihang iyon, ang Espiritu Santo ay:
• Ituturo sa iyo ang mga bagong katotohanan at ipapaalaala sa iyo ang mga doktrinang
napag-aralan mo na (tingnan sa Juan 14:26).
• Ibibigay sa iyo ang mga salitang dapat mong sabihin sa mismong oras na kailangan
mo ang mga ito (tingnan sa D at T 84:85).
• Ihahatid ang mensahe sa puso ng mga tinuturuan mo (tingnan sa 2 Nephi 33:1).
• Sasaksi sa katotohanan ng iyong mensahe at pagtitibayin ang iyong mga salita
(tingnan sa D at T 100:5–8).
• Tutulungan ka na malaman ang mga pangangailangan ng mga tinuturuan mo
(tingnan sa Alma 12:7).
Mahalaga ang Espiritu sa pagtuturo ng mga katotohanan ng ebanghelyo na
magpapatatag sa pananampalataya ng iba. Habang sinisikap mong magkaroon ng
pananampalatayang umasa sa Espiritu, dapat ay:
• Manalangin para matanggap mo ang Espiritu (tingnan sa D at T 42:14).
• Dalisayin mo ang iyong puso (tingnan sa D at T 112:28).
• Sundin mo ang mga kautusan (tingnan sa D at T 20:77, 79).
• Masigasig mong pagyamanin sa iyong isipan ang salita ng Diyos (tingnan sa D at T 11:21;
84:85).
• Magturo ka sa paraan na mauunawaan ng iba ang iyong mensahe at sila ay maging
matibay (tingnan sa D at T 50:13–22).
• Manampalataya ka (tingnan sa Moroni 10:7).
Ikaw ay itinalaga o ibinukod sa iyong sagradong tungkulin sa pangako na ibibigay
sa iyo ang Espiritu kapag nagawa mo ang mga kailangang gawin na itinakda ng
Panginoon. Ang pagtanggap ng mga kaloob ng Espiritu ay dapat isa sa iyong mga
pinakamatinding hangarin.
Ang Kapangyarihan at Awtoridad ng Iyong Tungkulin
Ang mga misyonero ay dapat humayo “sa kapangyarihan ng pag-oorden kung saan
[sila] ay inordenan, nagpapahayag ng mabubuting balita ng malaking kagalakan, maging
ang walang hanggang ebanghelyo” (D at T 79:1). May karapatan kang ipangaral ang
ebanghelyo. Kung taglay mo ang priesthood, may karapatan kang mangasiwa sa mga
ordenansa nito. Kapag ginamit mo nang may panalangin at karapat-dapat ka sa
awtoridad na iyon, makakatanggap ka ng espirituwal na kapangyarihan, na katibayan
na tunay ang iyong tungkulin. Huwag matakot o kaya’y ikahiya ang pagtupad sa iyong