“Mangaral ng Aking Ebanghelyo

4 Kilalanin ang Espiritu
102
Mga Tala
ordenansa, at tipan ay karapat-dapat sa Diyos. Ang Banal na Espiritu ng Pangako ay
nagpapatotoo sa Ama na ang mga nakapagliligtas na ordenansa ay naisagawa nang
wasto at ang mga tipan na kaakibat nito ay tinupad. Tinatanggap ng mga nabuklod
sa Banal na Espiritu ng Pangako ang lahat ng mayroon ang Ama (tingnan sa D at T
76:51–60; Mga Taga Efeso 1:13–14). Ang lahat ng mga tipan at pagsasagawa ay dapat
mabuklod ng Banal na Espiritu ng Pangako para maging mabisa pagkatapos ng kamatayan
(tingnan sa D at T 132:7, 18–19, 26). Maaaring makalag ang pagkakabuklod kapag
nilabag ang mga tipan.
Mga Kaloob ng Espiritu. Ang mga kaloob ng Espiritu ay natatanging espirituwal na pagpapala
na ibinibigay ng Panginoon sa karapat-dapat na mga tao para sa kanilang kapakinabangan
at para magamit nila sa pagpapala sa iba. Halimbawa, ang mga misyonero na kailangang
matuto ng bagong wika ay maaaring matanggap ang kaloob na mga wika para mabigyan
sila ng banal na tulong sa pag-aaral ng wika. Ang ilang kaloob ng Espiritu ay inilarawan sa
Moroni 10:8–18; Doktrina at mga Tipan 46:11–33; at I Mga Taga Corinto 12:1–12. Ito ay ilan
lamang sa mga halimbawa ng maraming kaloob ng Espiritu. Maaaring pagpalain ka ng
Panginoon sa ibang paraan ayon sa iyong pananampalataya, pangangailangan, at sa pangangailangan
ng iyong mga pinaglilingkuran. Dapat mong hangarin ang mga espirituwal na
kaloob at taimtim na hanapin ang mga ito (tingnan sa D at T 46:8; I Mga Taga Corinto 12:31;
14:1, 12). Ang mga kaloob na ito ay dumarating sa pamamagitan ng panalangin, pananampalataya,
at mga gawa, ayon sa kagustuhan ng Diyos (tingnan sa D at T 63:9–12; 84:64–73).
Aktibiti: Personal na Pag-aaral o Pag-aaral ng Magkompanyon
Basahin ang mga reperensiya sa ibaba:
• Ang Gabay sa mga Banal na Kasulatan, “Espiritu Santo,” “Ilaw, Liwanag ni Cristo,” at “Espiritu.”
• Our Search for Happiness, 84–86, 91–92.
• True to the Faith, “Holy Ghost,” 81–84, at “Spiritual Gifts,” 165–167.
Sumulat ng paglalarawan ng katangian at ginagampanan ng Espiritu Santo.
Basahin ang Mga Gawa 4:23–33.
• Paano hinangad nina Pedro at Juan ang mga espirituwal na kaloob?
• Paano sinagot ng Panginoon ang kanilang mga dalangin?
• Ano ang matututuhan mo mula sa karanasang ito tungkol sa sarili mong gawain?
Ang Kapangyarihan ng Espiritu sa Conversion o Pagbabalik-loob
Ang kapangyarihan ng Espiritu Santo ay mahalaga sa pagbabalik-loob. Sikaping
unawain ang doktrina ng pagbabalik-loob at gayundin ang karanasan ng pagbabalikloob.
Ipinaliwanag ni Elder Boyd K. Packer ang mahalagang tungkulin ng Espiritu sa
pagbabalik-loob:
“Kapag nagaganap ang pagbabalik-loob, ito ay sa pamamagitan ng kapangyarihan ng
Espiritu. Para magtagumpay sa gawaing misyonero, ang tatlong bagay na ito ay dapat
maganap:
“Kailangan nating maunawaan ang dapat madama ng investigator para matanggap
ang pagbabalik-loob.