“Mangaral ng Aking Ebanghelyo

10 Mga Kasanayan sa Pagtuturo
200
Mga Tala
“Ni huwag kayong mabalisa kung ano ang inyong sasabihin; kundi papagyamanin sa
inyong mga isipan tuwina ang mga salita ng buhay, at ibibigay ito sa inyo sa oras na iyon
yaong bahagi na nararapat sa bawat tao” (D at T 84:85).
Ang Unang Panguluhan at ang Korum ng Labindalawang Apostol ay nagpahayag:
“Ang ating layunin ay ituro ang mensahe ng ipinanumbalik na ebanghelyo sa paraang
magpapahintulot sa espiritu na pumatnubay kapwa sa mga misyonero at sa mga
tinuturuan. Mahalagang matutuhan ang mga konsepto ng mga pamantayang talakayan
ng misyonero ngunit hindi dapat ituro ang mga ito sa isinaulong pagtuturo. Dapat
maging malaya ang misyonero na gamitin ang sarili niyang mga salita ayon sa
patnubay ng Espiritu. Hindi niya dapat isaulo ang talakayan, kundi dapat manggaling
sa puso sa sarili niyang mga kataga. Maaari siyang lumayo sa pagkakasunud-sunod ng
mga aralin, na itinuturo kung ano ang inspirasyon, ayon sa interes at pangangailangan
ng investigator. Nagsasalita ayon sa sarili niyang paniniwala at sariling mga kataga
dapat siyang magpatotoo sa katotohanan ng kanyang mga itinuturo” (“Pahayag ukol
sa Gawaing Misyonero,” Liham ng Unang Panguluhan, 11 Dis. 2002).
Matutong umasa sa Espiritu na ibibigay sa iyo ang dapat mong sabihin at gawin. Sa
pag-aaral, pagpapabuti, at paggamit ng mga kasanayan sa pagtuturo sa kabanatang ito,
lalo kang magiging instrumento sa mga kamay ng Panginoon. Gagamitin ng Espiritu
ang kaalaman at kasanayang pinagbuti mo para tulungan kang makapagturo nang mas
epektibo. Ang kalidad at bisa ng pagtuturo mo ay makatutulong sa iba na maunawaan
at madama ang kahalagahan ng ipinanumbalik na ebanghelyo. Ang pagiging karapatdapat
mo ay makaiimpluwensiya sa kanilang pang-unawa. Makaiimpluwensiya din sa
kanilang pang-unawa ang pagbibigay mo ng pansin sa kanila, ang pagpapaliwanag mo
sa kanila ng ebanghelyo. Kasama rin dito ang paggamit ng mga banal na kasulatan,
pagbabahagi ng iyong patotoo, pagtatanong, at pag-imbita sa kanilang gumawa at
tuparin ang mga pangako.
Sundin ang Espiritu
“Ang Espiritu ang tanging pinakamahalagang elemento sa gawaing ito. Sa pagtulong ng
Espiritu sa pagganap mo sa iyong tungkulin, makagagawa ka ng mga himala para sa Panginoon
habang nasa misyon. Kung wala ang Espiritu, hindi ka magtatagumpay kahit kailan anuman ang
iyong talino at kakayahan” (Ezra Taft Benson, Seminar para sa mga bagong mission president,
25 Hunyo 1986).
Anyayahan ang Espiritu
Ang sumusunod na mga mungkahi ay tutulong sa iyo na maanyayahan ang Espiritu habang
ikaw ay nagtuturo:
– Magdasal. – Magbahagi ng mga karanasan.
– Gamitin ang mga – Magpakita ng pagmamahal sa Panginoon at sa iba.
banal na kasulatan.
– Magpatotoo.
Paano Sisimulan ang Pagtuturo
Ang mga unang sandali sa piling ng mga investigator ay napakahalaga. Dapat
matutong magtiwala sa inyo ang mga investigator. Simulan ang una ninyong pagbisita
sa magiliw, magalang, at tapat na paraan. Magbigay ng ilang simpleng tanong para
matulungan kayong malaman ang pinagmulan nilang relihiyon at ang mga inaasahan