“Mangaral ng Aking Ebanghelyo

5 Aklat ni Mormon
126
Mga Tala
may tunay na layunin, ikaw at ang mga tinuturuan mo ay kailangang handang isagawa ang
doktrina, gawin itong bahagi ng inyong pang-araw-araw na buhay, at kung kinakailangan,
magsisi. Sa pamamagitan ng pagsasabuhay ng doktrina, magkakaroon ka ng katiyakan na
ito ay totoo. Halimbawa, maaari mong sabihin sa isang investigator:
• “Tulad mo, naharap din sa malaking hamon si Nephi. Ngunit nang ipakita niya ang
kanyang pananampalataya na ‘humayo at gawin’ ang iniuutos sa kanya ng Panginoon,
nagtagumpay siya. (Basahin sa 1 Nephi 3:7.) Alam kong maghahanda ang Diyos ng
paraan para masunod mo ang Word of Wisdom.”
• John, mabuti at gusto mong maalis ang mabigat na damdaming nadarama mo. Tulad ng
pangako ng Tagapagligtas sa mga Nephita, kung ikaw ay magsisisi, magpapabinyag, at
tatanggap ng Espiritu Santo, ikaw ay ‘pawawalan . . . ng sala sa harapan ng . . . Ama.’ ”
(Basahin sa 3 Nephi 27:16.)
Umasa sa pangako sa Moroni 10:3–5. Bawat tao na taos na nagbabasa at nagdarasal
tungkol sa aklat na ito ay tiyak na malalaman ang katotohanan nito sa pamamagitan ng
kapangyarihan ng Espiritu Santo. Gawin ang lahat para tulungan ang mga investigator:
• Basahin ang Aklat ni Mormon at pag-isipang mabuti ang mensahe nito tungkol kay
Jesucristo.
• Manalangin sa Diyos nang may pananampalataya kay Jesucristo para matanggap ang
patotoo na ang Aklat ni Mormon ay totoo at si Joseph Smith ay propeta ng Panunumbalik.
• Manalangin nang tapat at may tunay na layunin, na ang ibig sabihin ay kikilos sila
ayon sa sagot na matatanggap nila mula sa Diyos.
Dapat mo ring isagawa palagi ang pangakong ito para mapalakas at mapanibago ang
sarili mong patotoo sa Aklat ni Mormon. Ang pinanibagong patotoong ito ay tutulong
sa iyo na palaging magkaroon ng matatag na paniniwala na sinumang magsagawa sa
pangakong ito ay tatanggap ng sagot.
Gamitin ang Aklat ni Mormon sa Lahat ng Aspeto ng Iyong Gawain
Ang Aklat ni Mormon ay mabisang mapagkukunan sa conversion o pagbabalik-loob. Gamitin
ito bilang pangunahing pinagmumulan ng itinuturong katotohanan na naipanumbalik.
Isaisip Ito:
• Ang Aklat ni Mormon ang saligang bato ng ating pagsaksi kay Cristo, ng ating doktrina,
at ating mga patotoo.
• Malinaw na itinuturo ng Aklat ni Mormon ang doktrinang matatagpuan sa mga lesson
ng misyonero.
• Gamitin ang Aklat ni Mormon sa pagsagot sa mga katanungan ng kaluluwa at para sagutin
ang mga pagsalungat sa Simbahan.
• Palagiang basahin ang Aklat ni Mormon kasama ang iyong mga investigator at bagong
miyembro. Gawin mo ang lahat para tulungan silang magbasa araw-araw at ipamuhay
ang natutuhan nila.
• Magtiwala sa pangako ng Panginoon na bawat taong taos na magbabasa at mananalangin
tungkol sa Aklat ni Mormon ay malalaman ang katotohanan nito sa pamamagitan ng
kapangyarihan ng Espiritu Santo.