“Mangaral ng Aking Ebanghelyo

3 Mag-aral at Magturo
Lesson 3:
Ang Ebanghelyo ni Jesucristo
66
Mga Tala
Ang Ebanghelyo ni Jesucristo
Ang Iyong Layunin
Habang ikaw ay nagtuturo, ihanda ang iyong mga investigator na maging kwalipikado para
sa binyag gaya ng itinuro sa Doktrina at mga Tipan 20:37 at sa mga tanong para sa interbyu
sa binyag. Ang pinakamainam na paraan para magawa ito ay sa pamamagitan ng pag-imbita
sa mga investigator mo na gawin at tuparin ang mga nakalista sa ibaba.
Mga Tanong para sa Interbyu sa Binyag
• Naniniwala ka ba na ang Diyos ang ating Amang Walang Hanggan?
• Naniniwala ka ba na si Jesucristo ay ang Anak ng Diyos, ang Tagapagligtas at Manunubos
ng daigdig?
• Naniniwala ka ba na ang Simbahan at ebanghelyo ni Jesucristo ay naipanumbalik sa
pamamagitan ni Propetang Joseph Smith?
Mga Pangakong Gagawin
• Patuloy ka bang mananampalataya kay Jesucristo sa pamamagitan ng patuloy na pagaaral
ng Kanyang ebanghelyo?
• Magsisisi ka ba at hihingi ng kapatawaran ng mga kasalanan?
• Magpapabinyag ka ba para maging miyembro ng Ang Simbahan ni Jesucristo ng mga Banal
sa mga Huling Araw sa (petsa)? Magpapakumpirma at tatanggapin mo ba ang kaloob na
Espiritu Santo?
• Sasama ka ba sa amin na magsimba sa Linggo?
• Maaari ba tayong mag-iskedyul ng susunod naming pagbisita?
• Mga kautusan mula sa lesson 4 na napili mong isama.
Sa Pamamagitan ni Cristo Malilinis Tayo mula sa Kasalanan
Ipinadala ng Diyos ang Kanyang Minamahal na Anak, si Jesucristo, sa daigdig para
lahat ng anak ng Diyos ay makabalik sa Kanyang piling kapag sila ay namatay. Tanging
sa pamamagitan ng biyaya at awa ng Tagapagligtas tayo malilinis mula sa kasalanan
upang makapiling natin ang Ama sa Langit. Ang pagkalinis mula sa kasalanan ay
paggaling sa espirituwal (tingnan sa 3 Nephi 9:13; 18:32).