“Mangaral ng Aking Ebanghelyo

Paano Ako Epektibong
Mag-aaral at Maghahanda
na Magturo?
Isaisip Ito
• Bakit mahalagang pag-aralan ang ebanghelyo?
• Paano makakaapekto ang pag-aaral ko sa mga tinuturuan ko?
• Bakit kailangan kong papagyamanin sa aking isipan tuwina ang mga doktrina ng ebanghelyo
ni Jesucristo?
• Paano ko epektibong matututuhan ang mga doktrina ng ipinanumbalik na ebanghelyo ni
Jesucristo at maghahandang turuan ang iba?
• Paano ko mapahuhusay ang aking personal na pag-aaral at pag-aaral naming
magkompanyon.
S inabi ng Panginoon, “Huwag hangaring ipahayag ang aking salita, kundi hangarin
munang matamo ang aking salita, at pagkatapos ay kakalagan ang iyong dila;
pagkatapos kung iyong nanaisin, mapapasaiyo ang aking Espiritu at ang aking salita, oo,
ang kapangyarihan ng Diyos sa ikahihikayat ng mga tao” (D at T 11:21). Para epektibong
makapagturo, kailangang magkaroon ka ng espirituwal na kaalaman. Para humusay sa
ebanghelyo at manatili sa landas patungo sa buhay na walang hanggan kailangan mong
makaugaliang mag-aral ng ebanghelyo (tingnan sa D at T 131:6). Ang nakaugaliang pagaaral
mo ng ebanghelyo bilang misyonero ay magpapala sa iyo mismo at makakatulong
sa mga tinuturuan mo na lumakas ang pananampalataya nila sa Tagapagligtas.
Ang epektibong pag-aaral sa araw-araw ay kailangang palaging magsimula sa
panalangin. Ang pag-aaral ay pagpapakita ng pananampalataya at kailangan ng sariling
pagpili mismo. Maraming misyonero ang nahihirapang matutuhan kung paano epektibong
makapag-aaral. Ang ilan ay lubos na umaasa sa iba o sa mga ginawang programa
na magsasabi sa kanila kung ano at paano mag-aaral. Bagamat napakahalaga ang matuto
mula sa mahusay na guro, mas mahalaga na ikaw mismo sa sarili mo ang magkaroon ng
2 Epektibong Pag-aaral
Mga Tala
19