“Mangaral ng Aking Ebanghelyo

3 Mag-aral at Magturo
Lesson 2:
Ang Plano ng Kaligtasan
62
Mga Tala
– Ang Diyos ay may plano para sa ating kaligayahan. Si Jesucristo ang
sentro sa planong iyon.
– Ginawang posible ng plano ng kaligayahan ng Diyos na makabalik
tayo sa Kanyang piling (tingnan sa Moises 1:39).
– Ang ating walang hanggang pag-unlad ay nakasalalay sa paraan
ng paggamit natin ng ating karapatang pumili (tingnan sa 2 Nephi
2:27–29).
• Ang Paglikha
– Sa ilalim ng pamamahala ng Ama, nilikha ni Jesucristo ang mundo
(tingnan sa Mga Hebreo 1:1–3).
• Karapatang Pumili at ang Pagkahulog nina Adan at Eva
– Sina Adan at Eva ay nilikha sa larawan ng Diyos (tingnan sa
Genesis 1:26–27).
– Sa Halamanan ng Eden sila ay inosente at namuhay na kasama
ang Diyos.
– Dahil kinain nila ang ipinagbabawal na bunga, pinalayas sila sa
halamanan (tingnan sa Moises 4:19–31). Ang tawag dito ay
Pagkahulog.
– Sila ay naging mortal, nagkaanak, at naranasan ding magkasala
at mamatay (tingnan sa 2 Nephi 2:22–25; Moises 5:11).
• Ang Ating Buhay sa Lupa
– Ang ating layunin sa buhay ay magkaroon ng walang hanggang
kapayapaan, galak, at kaligayahan bilang mga pamilya at
maghandang bumalik para mamuhay na kasama ang Diyos.
– Naparito tayo sa lupa para subukin (tingnan sa Abraham 3:24–25).
– Nagkaroon tayo ng katawang may laman at buto, pero daranas
tayo ng pisikal na kamatayan.
– Nagbibigay ang Diyos ng mga kautusan. Kung susunod tayo,
pagpapalain tayo. Kung susuway tayo, nagkakasala tayo at
tatanggapin ang mga bunga nito.
– Lahat ng kasalanan ay kailangang pagbayaran, ng ating sarili
mismo o sa pamamagitan ni Cristo (tingnan sa D at T 19:15–20).
– Gumagawa tayo ng mga pagpili, at lahat tayo ay nagkakasala
(tingnan sa Mga Taga Roma 3:23).
– May mga karanasan tayo na nagbibigay sa atin ng kaligayahan at
gayundin ng kalungkutan.
– Hindi natin madadaig ang pisikal o espirituwal na kamatayan kung
wala si Cristo.
• Ang Pagbabayad-sala
– Dahil nadaig ni Jesucristo ang pisikal na kamatayan, lahat tayo ay
mabubuhay na mag-uli (tingnan sa Alma 11:41–43).
– Sa pamamagitan ng Pagbabayad-sala ni Cristo malilinis tayo mula
sa kasalanan kung kaya makakabalik tayong muli sa piling ng Diyos
(tingnan sa 2 Nephi 9:8–9).