“Mangaral ng Aking Ebanghelyo

Panimula: Paano Ko
Pinakamainam na Magagamit ang
<strong>“Mangaral</strong> ng Aking Ebanghelyo”?
<strong>“Mangaral</strong> ng Aking Ebanghelyo”
Gamitin ang <strong>“Mangaral</strong> ng Aking Ebanghelyo”
para tugunan ang mga pangangailangan mo bilang
misyonero. Maaari mong gamitin ang buong oras
ng pag-aaral sa ilang talata lamang—o sa buong
kabanata. Maaaring sunud-sunod mong pag-aralan
ang mga kabanata o magplano ka ng ibang pagkakasunod
na mas tutugon sa mga iyong mga pangangailangan.
Dahil sa ganitong kaluwagan (o flexibility)
ay mapag-aaralan mo ang kailangan mong pagaralan
kapag kailangan mo ito at batay sa utos ng
inyong mission president.
Lahat ng kabanata sa <strong>“Mangaral</strong> ng Aking
Ebanghelyo” ay tutulong sa iyo para matupad mo
ang iyong layunin bilang misyonero. Gayunman,
kapag sinimulan mong pag-aralan ang kabanata 3, kakaibang paraan ang makikita mo.
Karamihan sa mga kabanata ay nakapatungkol sa iyo. Ang kabanata 3 ay mas nakapatungkol
sa pangkalahatan. Pag-aaralan mo ang mga doktrina sa kabanata 3 (a) para
patatagin ang sarili mong kaalaman at patotoo sa ebanghelyo at (b) para turuan ang
iba at ihanda sila sa paggawa at pagtupad ng mga pangako at tipan.
Ang mga doktrina sa ilan sa iba pang mga kabanata ay makatutulong din sa iyo sa
pagtuturo sa mga investigator at mga bagong miyembro. Halimbawa, ang kabanata 4,
“Paano Ko Makikilala at Mauunawaan ang Espiritu?” ay makatutulong sa iyo sa pagtuturo
sa ilang mga investigator kung paano magkaroon ng patotoo sa pamamagitan ng
kapangyarihan ng Espiritu Santo. Ang kabanata 5, “Ano ang Papel na Ginagampanan
ng Aklat ni Mormon?” ay makatutulong sa paglutas mo sa mga problema ng isang
investigator tungkol sa Aklat ni Mormon. Ang mga ideya mula sa kabanata 2, “Paano
Ako Epektibong Mag-aaral at Maghahanda na Magturo?” ay makatutulong sa mga
bagong binyag o convert na lalo pang matuto sa pag-aaral nila ng Aklat ni Mormon.
Ang <strong>“Mangaral</strong> ng Aking Ebanghelyo” ay nakapokus sa mahahalagang bahagi ng
gawaing misyonero. Hindi nito sinasagot ang bawat tanong o situwasyon na makakaharap
mo. Magiging pinakaepektibo ka kapag sinunod mo ang Espiritu, nagsaliksik sa mga
banal na kasulatan, sumunod sa mga utos, at ginawa ang natutuhan mo.
Pag-aralan ang mga kabanata sa buong misyon mo. Isagawa ang natututuhan mo.
I-evaluate ang nagawa mo. Ang mga misyonerong nagsisikap na ihanda ang kanilang
sarili sa araw-araw at naghahangad na palaging humusay ay makatatanggap ng
patnubay mula sa Espiritu Santo at makikita ang mga pagpapala sa kanilang buhay.
Mga Tala
Panimula
vii