“Mangaral ng Aking Ebanghelyo

9 Paghahanap ng mga Tao
178
Mga Tala
tayo nabibilang. Nagbibigay ito sa atin ng dahilan para asamin ang buhay na walang
hanggan sa piling ng Diyos. Nauunawaan natin ang mahahalagang katotohanang ito
dahil sa Panunumbalik. Ang pagtuturo ng mga ipinanumbalik na katotohanan sa inyong
mga kapatid ay responsibilidad at pagpapala ninyo. Gaya ni Alma na naghangad tulungan
ang mga Zoramitang tumalikod sa katotohanan, makapagdarasal kayo ng:
“O Panginoon, nawa’y ipagkaloob ninyo sa amin na ang tagumpay ay matamo namin
sa muling pagdadala sa kanila sa inyo sa pamamagitan ni Cristo. Masdan, O Panginoon,
ang kanilang mga kaluluwa ay mahahalaga . . . ; kaya nga, ipagkaloob ninyo sa amin,
O Panginoon, ang kapangyarihan at karunungan, upang madala naming muli sila, na
aming mga kapatid, sa inyo” (Alma 31:34–35).
“Matatagpuan Sila na mga Tatanggap sa Inyo.” Obligasyon ninyong tumulong sa paglaki
ng Simbahan sa pamamagitan ng paghahanap “[sa kanila] na mga tatanggap sa
inyo” (D at T 42:8). Makikilala ng mga taong ito na kayo ay mga tagapaglingkod
ng Panginoon. Handa silang tumanggap sa inyong mensahe. Marami sa mga taong
ito ay “[napagkaitan] lamang ng katotohanan sapagkat hindi nila alam kung saan
ito matatagpuan” (D at T 123:12).
Karaniwang hindi ninyo kilala kung sino ang mga taong ito. Maaaring hindi nila agad
makilala na mga tagapaglingkod kayo ng Panginoon. Maaaring hindi nila maunawaan
na ang malaking kapayapaan, patnubay, at layunin ng buhay ay darating sa pamamagitan
ng ipinanumbalik na ebanghelyo at hindi sa ibang bagay. Madalas na hindi nila alam na
hinahanap nila ang ipinanumbalik na ebanghelyo hanggang sa matagpuan nila ito.
Halimbawa, sabi ng isang convert, “Nang marinig ko ang ebanghelyo, nasagot nito ang
pananabik na di ko alam na narito sa aking puso.” Sabi ng isa pa, “Nakapagsaliksik na
ako nang di ko namamalayan.”
Saan ka man italagang maglingkod, alalahanin na ang Panginoon ay “pinayagan
kayong magtungo sa lugar na ito; sapagkat sa gayon ito kapakipakinabang sa [Kanya]
para sa kaligtasan ng mga kaluluwa.” Maging epektibo at “itaas ang inyong mga tinig sa
mga taong ito; sabihin ninyo ang mga bagay na ilalagay [ng Panginoon] sa inyong mga
puso.” Kung gagawin mo ito, tatanggapin mo ang pangakong “hindi kayo malilito sa
harapan ng mga tao,” at “ibibigay sa inyo ...sa sandali, kung ano ang inyong sasabihin”
(D at T 100:4–6). Ang paghahanap sa pamamagitan ng Espiritu ay kasinghalaga ng
pagtuturo sa pamamagitan ng Espiritu. Gaya ng pagtuturo, ang pagsisikap ninyo na
maghanap ng matuturuan ay magiging epektibo kung gagabayan kayo ng Espiritu.
Manampalataya na malalaman ninyo ang inyong ituturo at gagawin upang mahanap
ang mga taong tatanggap sa inyo.
Aktibiti: Pag-aaral ng Magkompanyon
Marami sa mga miyembrong nabisita ninyo ay maaaring convert sa Simbahan. Planuhin kung
kailan ninyo itatanong kung paano sila nakontak ng Simbahan. Itanong din kung paano nila
nalaman na itinuturo sa kanila ng mga misyonero ang katotohanan. Ibuod ang mga karanasan
nila sa iyong study journal.
Pag-aaralang mga Banal na Kasulatan
Paano inihahanda ang mga anak ng Diyos at inaakay sa ipinanumbalik na ebanghelyo?
Alma 13:24 D at T 29:7 D at T 84:45–47, 88
Alma 16:16–17 D at T 33:6 D at T 136:32–33