“Mangaral ng Aking Ebanghelyo

11 Tuparin ang mga Pangako
228
Mga Tala
Siguro ang iyong patotoo ay simple
lang tulad ng “Si Jesucristo ay Anak ng
Diyos” o “Alam ko sa sarili ko na ang
Aklat ni Mormon ay totoo.” Maaari ka
ring magbahagi ng maikling karanasan
kung paano mo ito nalaman. Magpatotoo
nang ilang beses sa bawat lesson, hindi
lang sa hulihan. Magpatotoo na ang
itinuro ng kompanyon mo ay mula sa
Diyos. Magpatotoo na pagpapalain ng
alituntuning ituturo mo ang buhay ng
mga investigator kung susundin nila ito.
Pag-usapan kung paanong nabiyayaan
ng pagsunod sa isang alituntunin ang
iyong buhay.
Kung minsan ay maaaring magduda ang mga tao sa itinuro mo, pero mahirap pagdudahan
ang tapat, at taos-pusong patotoo. Kapag nagpapatotoo ka, idalangin na madama
ng mga tinuturuan mo ang nagpapatibay na pagsaksi ng Espiritu Santo. Kapag nagpapatotoo
ka, tumutulong ka sa pagpapadama sa mga investigator na pinagtitibay ng Espiritu
Santo ang iyong pagsaksi sa katotohanan. Inihahanda sila nito para tanggapin ang
hihilingin mong mga pangako sa kanila.
Si Brigham Young ay hindi nabinyagan sa Ang Simbahan ni Jesucristo ng mga Banal
sa mga Huling Araw noong unang taon na malaman niya ang tungkol sa ibinalik na
ebanghelyo. Pero ito ang sabi niya tungkol sa kanyang conversion o pagbabalik-loob:
“Kung ang lahat ng talento, kasanayan, karunungan, at kapinuhan ng daigdig ay
ipinadala sa akin kasama ng Aklat ni Mormon, at ipinahayag ang katotohanan nito sa
pinakabantog na paraan ng mundo, para patunayan ito sa pamamagitan ng pag-aaral at
karunungan ng mundo, para sa akin ang mga ito ay magiging parang usok na lumitaw
para lamang maglaho. Ngunit nang makita ko ang isang tao na hindi mahusay o walang
talento sa pagsasalita sa publiko, na ang sabi lang ay, ‘Alam ko sa pamamagitan ng
Espiritu Santo na ang Aklat ni Mormon ay totoo, na si Joseph Smith ay Propeta ng
Panginoon,’ pinagliwanag ng Espiritu Santo na nagmula sa taong iyon ang aking pangunawa.
Nakita ko ang liwanag, kaluwalhatian, at imortalidad. Napaligiran ako ng mga
ito, napuno ako nito, at nalaman ko sa sarili ko na tunay ang patotoo ng lalaking iyon”
(sa Journal of Discourses, 1:90).
Aktibiti: Personal na Pag-aaral
Ang mga talata sa ibaba ay mga halimbawa ng pagpapatotoo. Isa-isang basahin ang mga
tanong at banal na kasulatan. Isulat ang iyong mga sagot sa iyong study journal.
• Sa mga talatang ito, ano ang pinatototohanan ng mga apostol at propeta?
• Gaano katatag ang paniniwala nila sa sinasabi nila? Paano mo masasabi na kumbinsido
sila sa katotohanan?
• Kapag sinasabi mong, “Alam ko na _________ ay totoo,” seryoso ka ba rito? Ano pa ang
ibang mga salita na magagamit mo para masabi kung ano ang pinaniniwalaan mo?
Jacob 7:7–12 D at T 76:22–24 Mga Gawa 2:14–38
Alma 5:45–48 Juan 3:3–11 Mga Gawa 10:34–44
Alma 34:1, 8