“Mangaral ng Aking Ebanghelyo

Simple ang ebanghelyo ni Jesucristo. Ito’y nagsisimula sa pananampalataya
kay Cristo. Naniniwala tayo sa Kanya, nagtitiwala sa Kanya, at
umaasa sa Kanya. Ang gayong pananampalataya ang umaakay sa atin na
magsisi—upang itigil ang paggawa ng mali at patuloy na gawin ang mga
bagay na tama. Ang ating pananampalataya sa Kanya ang dahilan din
kung bakit hangad nating ipakita ang ating pagmamahal sa pamamagitan
ng pagsunod sa Kanyang mga kautusan, kasama na ang binyag. Matapos
ang binyag, ipinangako Niya na ibibigay Niya sa atin ang kaloob na
Espiritu Santo. Ang Espiritu Santo ang gagabay sa atin, aaliw sa atin at
tutulong sa atin na malaman ang katotohanan. Malalaman natin sa ating
puso at isipan kapag nasa atin ang Espiritu Santo. Makadarama tayo ng
kapayapaan, pagmamahal, at kagalakan. Nanaisin nating maglingkod sa
iba. Habang buhay nating sisikapin na masiyahan ang Panginoon.
Ibinalik ni Jesucristo ang Kanyang ebanghelyo sa pamamagitan ng isang
propeta sa mga huling araw. Natututuhan natin ang tungkol sa ebanghelyo
sa Aklat ni Mormon, na maaari mong basahin, pag-isipang mabuti, at
ipagdasal. Sasabihin sa iyo ng Diyos sa pamamagitan ng kapangyarihan
ng Espiritu Santo na ito ay totoo. Kapag nalaman mong ito ay totoo,
nanaisin mong magsisi at magpabinyag upang matanggap mo ang
kapatawaran ng iyong mga kasalanan at ang kaloob na Espiritu Santo.
Mga Pangakong Gagawin
• Patuloy ka bang mananampalataya kay Jesucristo sa pamamagitan
ng patuloy na pag-aaral ng Kanyang ebanghelyo?
• Magsisisi ka ba at hihingi ng kapatawaran ng mga kasalanan?
• Magpapabinyag ka ba para maging miyembro ng Ang Simbahan
ni Jesucristo ng mga Banal sa mga Huling Araw sa (petsa)?
Magpapakumpirma at tatanggapin mo ba ang kaloob na Espiritu Santo?
• Sasama ka ba sa amin na magsimba sa Linggo?
• Maaari ba tayong mag-iskedyul ng susunod naming pagbisita?
• Mga kautusan mula sa lesson 4 na napili mong isama.
Buong Lesson Plan (30–45 minuto)
• Sa Pamamagitan ni Cristo Malilinis Tayo mula sa Kasalanan
– Ipinadala ng Diyos ang Kanyang Minamahal na Anak, si Jesucristo,
sa daigdig (tingnan sa Juan 3:16–17).
– Tanging sa pamamagitan ng biyaya at awa ni Cristo tayo magiging
malinis mula sa kasalanan (tingnan sa 2 Nephi 2:6–8).
– Tayo ay may pananagutan na tanggapin si Cristo, magsisi, at
sumunod.
• Pananampalataya kay Jesucristo
– Dapat tayong maniwala kay Cristo bilang Tagapagligtas ng daigdig.
– Nais Niyang tanggapin at sundin natin ang Kanyang mga turo.
– Tumatanggap tayo ng mga pagpapala kapag tayo’y sumusunod
(tingnan sa D at T 130:20–21).
3 Mag-aral at Magturo
Lesson 3:
Ang Ebanghelyo ni Jesucristo
Mga Tala
75