“Mangaral ng Aking Ebanghelyo

3 Mag-aral at Magturo
Lesson 2:
Ang Plano ng Kaligtasan
52
Mga Tala
Pag-isipan ang mga mungkahi sa ibaba. Maaaring gawin itong bahagi nito o ng ibang lesson
o kaya’y bilang isang aralin. Kung makakatulong, ulitin nang ilang beses ang aktibiting ito bago
at pagkatapos ng binyag at kumpirmasyon.
Pahina ng pamagat
at pambungad Ipaliwanag na mabuti ang layunin ng aklat.
1 Nephi 10–11 Sina Lehi at Nephi ay nagpatotoo tungkol sa Tagapagligtas.
1 Nephi 19 Iniisa-isa ni Nephi ang mga propesiya tungkol sa ministeryo at
Pagbabayad-sala ng Tagapagligtas.
2 Nephi 2 Nagpatotoo si Lehi tungkol sa pagiging Manunubos ng Tagapagligtas.
2 Nephi 9 Nagpatotoo si Jacob tungkol sa Pagbabayad-sala.
2 Nephi 31–33 Itinuro ni Nephi ang doktrina ni Cristo.
Enos Nadama ni Enos ang kapangyarihan ng Pagbabayad-sala.
Mosias 2–5 Nagturo si Haring Benjamin tungkol kay Cristo.
Mosias 12–16 Inalay ni Abinadi ang kanyang buhay sa pagpapatotoo kay Jesucristo.
Alma 5, 7 Nagpatotoo si Alma tungkol sa Tagapagligtas.
Alma 17–22 Tinanggap ng mga Lamanita ang patotoo tungkol kay Jesucristo.
Alma 34 Nagpatotoo si Amulek tungkol sa Pagbabayad-sala.
Alma 36 Nadama ni Alma ang kapangyarihan ng Pagbabayad-sala ni Jesucristo.
Alma 40–42 Nagpatotoo si Alma tungkol sa pagkabuhay na mag-uli at Pagbabayad-sala.
Helaman 5 Sina Nephi at Lehi ay mga instrumento sa kamay ng Diyos sa pagsaksi
tungkol sa Tagapagligtas.
3 Nephi 9–10 Inimbita ng Tagapagligtas ang mga tao na lumapit sa Kanya.
3 Nephi 11–18 Itinuro ng Tagapagligtas sa mga Nephita ang tungkol sa Ama at sa
Kanyang doktrina.
3 Nephi 27 Itinuro ng Tagapagligtas ang Kanyang ebanghelyo.
Eter 3 Nakita ng kapatid ni Jared ang Tagapagligtas.
Eter 12 Nagpatotoo sina Eter at Moroni tungkol sa Tagapagligtas at sa
kapangyarihan ng Kanyang Pagbabayad-sala.
Moroni 7–8 Itinuro ni Moroni ang dalisay na pag-ibig ni Cristo at Kanyang
Pagbabayad-sala.
Moroni 10 Inimbita ni Moroni ang lahat na lumapit kay Cristo at maging ganap sa Kanya.
“Ang Buhay na Cristo”Nagpatotoo ang mga propeta at apostol tungkol sa Tagapagligtas.
Buhay Bago ang Buhay sa Mundo: Layunin at Plano ng Diyos para sa Atin.
Maraming tao ang nagtatanong, “Saan tayo nanggaling? Bakit tayo narito? Saan tayo
pupunta?” Ibinibigay sa atin ng plano ng kaligtasan ang sagot sa mga tanong na ito.
Ang Diyos ang siyang Ama ng ating mga espiritu. Tayo ay literal na mga anak Niya,
at mahal Niya tayo. Nabuhay tayo bilang mga espiritung anak ng ating Ama sa Langit
bago tayo isinilang sa mundong ito. Pero hindi tayo katulad ng ating Ama sa Langit, ni
magiging katulad niya at makakamtan ang lahat ng biyayang mayroon Siya kung hindi
tayo mabubuhay bilang mortal na may pisikal na katawan.