“Mangaral ng Aking Ebanghelyo

Dahil sa Pagbabayad-sala at Pagkabuhay na Mag-uli ni Cristo, ang lahat ng tao ay
ihaharap sa Panginoon para hatulan ayon sa kanilang mga gawa at hangarin (tingnan sa
2 Nephi 9:10–16; Helaman 14:15–18; 3 Nephi 27:14–22; D at T 137:9). Tayo ay hahatulan
ayon sa mga batas ng katarungan at awa.
Ang katarungan ay ang di-nagbabagong batas na naghahatid ng bunga sa ating mga
ginawa—biyaya kapag sumunod sa mga kautusan ng Diyos at parusa sa di-pagsunod.
Lahat tayo ay nagkakasala. Narurumihan tayo ng kasalanan, at walang maruming
bagay na makapananahan sa piling ng Diyos (tingnan sa 1 Nephi 10:21; 3 Nephi 27:19;
Moises 6:57).
Binayaran ng Tagapagligtas ang mga hinihingi ng katarungan para doon sa mga taong
nagsisi ng kanilang mga kasalanan at nagsisikap na sundin ang lahat ng Kanyang kautusan
noong Siya ang tumayo sa ating lugar at dumanas ng kaparusahan para sa ating mga
kasalanan. Ang gawaing ito ay tinawag na Pagbabayad-sala. Dahil sa di-makasariling
hakbang na ito, maaaring makiusap si Cristo sa Ama para sa ating kapakanan. Maaawa
ang Ama sa Langit, hindi na tayo parurusahan pa, at tatanggapin tayo sa Kanyang piling.
Nagpapakita ng awa ang ating Ama sa Langit kapag pinapatawad Niya ang ating mga
kasalanan at tinutulungan tayong makabalik upang mamuhay sa Kanyang piling.
Gayon pa man, hindi inaalis ni Jesus ang ating responsibilidad. Pinatatawad Niya tayo
sa ating mga kasalanan kapag tinatanggap natin Siya, nagsisisi, at sinusunod ang Kanyang
mga kautusan. Sa pamamagitan ng Pagbabayad-sala at pamumuhay ng ebanghelyo, tayo
ay nagiging karapat-dapat na pumasok nang pirmihan sa kinaroroonan ng ating Ama sa
Langit. Kailangan nating ipakita na tinanggap natin si Cristo at nananampalataya tayo sa
Kanya sa pamamagitan ng pagsunod sa Kanyang mga utos at pagsunod sa mga unang
alituntunin at ordenansa ng ebanghelyo.
Kasalanan
Ang konsepto ng “kasalanan” ay magkakaiba sa iba’t ibang kultura. Sa ilang kultura ito’y
iniuugnay sa konsepto ng paggawa ng krimen. Sa iba naman ang isang bagay ay kasalanan
kung nahuli ang tao na gumagawa nang mali at dahil dito’y naghahatid ng kahihiyan sa pamilya
o komunidad. Linawin na ang kasalanan ay di-pagsunod sa mga kautusan ng Diyos at ang
bunga nito ay pagkawalay sa Diyos. Alam ng Diyos ang lahat ng ginagawa at iniisip natin, at
hindi Siya natutuwa kapag tayo’y nagkakasala. Huwag talakayin ang mga kasalanang nagawa
mo noon. Huwag hikayatin o sabihan ang iyong investigator na huwag talakayin ang kanilang
mga kasalanan.
Pag-aaralang mga Banal na Kasulatan
Ipinadala ng Diyos ang Kanyang Anak
Alma 11:40 Juan 3:16–17
Kaligtasan sa Pamamagitan ni Cristo
2 Nephi 2:6–8 Alma 34:8–9, 14–16
2 Nephi 9:21–24
Si Cristo ang Ating Tagapamagitan
D at T 45:3–5
Awa at Katarungan
Mosias 15:9 Alma 42:22–25
3 Mag-aral at Magturo
Lesson 3:
Ang Ebanghelyo ni Jesucristo
Mga Tala
67