“Mangaral ng Aking Ebanghelyo

5 Aklat ni Mormon
124
Mga Tala
“Ang pangunahin nating tungkulin ay ipangaral ang ebanghelyo at gawin ito sa
epektibong paraan. Hindi natin obligasyon na sagutin ang bawat pagsalungat. Sa huli
ay kailangang ipakita ng bawat tao ang kanyang pananampalataya, at kailangan niyang
panindigan ito” (A Witness and a Warning, 4–5).
Halimbawa, ang matatapat na investigator ay maaaring sumalungat sa itinuro ninyo
tungkol sa Word of Wisdom. Tulungan silang makita na ang talagang katanungan ay
kung nagsalita si Joseph Smith bilang propeta ng Diyos nang ibigay ang kautusang ito
sa dispensasyong ito. Maaari mong sabihing: “Para magkaroon ng pananampalataya na
tanggapin ang turong ito kailangan ng katiyakan na ang kautusang ito ay natanggap natin
sa pamamagitan ng paghahayag ng Diyos kay Propetang Joseph Smith. Ang paraan para
malaman na si Joseph Smith ay propeta ng Diyos ay basahin at ipagdasal ang tungkol sa
Aklat ni Mormon.”
Kailangang mga investigator mismo ang lumutas o sumagot sa kanilang mga
katanungan at pagsalungat. Matutulungan ninyo sila kapag ipinokus ninyo sila sa
bagay na magpapatatag sa kanilang pananampalataya kay Jesucristo—pagbabasa at
pagdarasal tungkol sa Aklat ni Mormon. Kapag napatatag na nila ang kanilang patotoo
sa Panunumbalik, magkakaroon sila ng lakas para mapaglabanan ang kanilang mga
pagsalungat at alalahanin.
Sa pagsagot ninyo sa mga tanong, tandaan na ang pang-unawa natin ay nagmumula
sa mga makabagong propeta—kay Joseph Smith at mga sumunod sa kanya—na tumatanggap
ng direktang paghahayag mula sa Diyos. Dahil dito, ang unang tanong na
sasagutin ng isang investigator ay kung propeta si Joseph Smith, at masasagot niya
ang tanong na ito sa pagbabasa at pagdarasal tungkol sa Aklat ni Mormon.
Si Joseph Smith at ang Aklat ni Mormon
Ang isang paraan para malaman na si Joseph Smith ay propeta ng Diyos ay basahin at
ipagdasal ang tungkol sa Aklat ni Mormon.
Aktibiti: Personal na Pag-aaral
Sa iyong study journal, isulat kung paano mo babanggitin si Joseph Smith at ang Aklat ni
Mormon para sagutin ang sumusunod na mga pagsalungat o mga tanong:
• “Hindi ako naniniwala na hanggang ngayon ay nakikipag-usap ang Diyos sa mga tao.”
• “Naniniwala ako na maaari akong sumamba sa Diyos sa sarili kong pamamaraan sa halip
na sa pamamagitan ng organisadong relihiyon.”
• “Bakit kailangan kong itigil ang pag-inom ng alak kapag kumakain ako kung sasapi ako
sa inyong simbahan?”
• “Bakit kailangan ko ang relihiyon?”
Paano Mo Gagamitin ang Aklat ni Mormon?
Maraming investigator ang hindi nagbabasa ng Aklat ni Mormon o kaya’y hindi
nauunawaan ang binabasa nila. Ang mga hindi nagbabasa o hindi nauunawaan ang
Aklat ni Mormon ay mahihirapang tumanggap ng patotoo na ito ay totoo.