“Mangaral ng Aking Ebanghelyo

Ama, at mahal Niya tayo. Tayo ay mga anak Niya. Bahagi tayo ng
Kanyang pamilya, at nabuhay tayo sa piling Niya bago tayo isinilang sa
mundong ito. Siya ay may plano ng kaligayahan kaya naging posible na
makabalik tayo sa Kanyang piling matapos ang buhay na ito. Ang ating
progreso ay nakasalalay sa paraan ng ating paggamit ng karapatang
pumili, o kakayahang pumili, na ibinigay ng Diyos. Bilang bahagi ng
planong iyan, ginawang posible ng Pagkahulog ni Adan na isilang tayo
sa mundo, magkaroon ng pisikal na katawan, karanasan, at sariling
pamilya. Pero ang Pagkahulog din ang naging sanhi ng pisikal na
kamatayan, o paghiwalay ng espiritu sa katawan, at espirituwal na
kamatayan, o pagkawalay sa Diyos.
Si Jesucristo ang sentro sa plano ng Diyos. Nadaig ng nagbabayadsalang
sakripisyo ni Cristo ang mga epekto ng pisikal at espirituwal
na kamatayan. Tayong lahat ay mabubuhay na mag-uli at mabubuhay
magpakailanman na may pisikal na katawang malaya sa sakit at karamdaman.
Ginawa ring posible ni Cristo na madaig ang espirituwal na
kamatayan. Kapag ipinamuhay natin ang Kanyang ebanghelyo buong
habag Niyang patatawarin ang ating mga kasalanan. Pagagalingin Niya
tayo at papalitan ng kapayapaan at kaligayahan sa buhay na ito ang
dusa at kahihiyan.
Bilang bahagi ng maawaing plano ng Diyos, daranasin nating lahat ang
pisikal na kamatayan. Mahihiwalay ang ating espiritu sa ating katawan
at pansamantalang lalagi sa daigdig ng mga espiritu. Pagkatapos ay
mabubuhay tayong muli na may imortal na katawan, ang walang hanggang
pagsasama ng ating katawan at espiritu.. Hahatulan tayo batay sa
ating mga gawa at naisin. Ang mga sumunod sa ebanghelyo ay tatanggap
ng pinakadakilang handog ng ating Ama, ang kaloob na buhay na walang
hanggan sa Kanyang piling.
Ang ating Ama sa Langit ay muling nagpadama ng Kanyang pagmamahal
sa Kanyang mga anak para ihayag ang Kanyang plano ng kaligayahan.
Nalalaman natin ang tungkol sa napakagandang planong ito sa Aklat ni
Mormon, na mababasa, mapag-iisipang mabuti, at maipagdarasal mo.
Iniimbita ka naming magsimba at sumambang kasama namin.
Mga Pangakong Gagawin
• Magdarasal ka ba para malaman kung totoo ang itinuro namin?
• Pagsisisihan mo ba ang iyong mga kasalanan?
• Sasama ka ba sa amin na magsimba sa Linggo?
• Susundan mo ba ang halimbawa ng Tagapagligtas at magpapabinyag
sa (petsa)?
• Maaari ba tayong mag-iskedyul ng susunod naming pagbisita?
• Mga kautusan mula sa lesson 4 na napili mong isama.
Buong Lesson Plan (30–45 minuto)
• Buhay Bago ang Buhay sa Lupa: Layunin at Plano ng Diyos para sa Atin
– Ang Diyos ang ating Ama sa Langit, at tayo ay Kanyang mga anak
(tingnan sa Ang Mga Gawa 17:16–34; Sa Mga Hebreo 12:9).
3 Mag-aral at Magturo
Mga Tala
Lesson 2:
Ang Plano ng Kaligtasan
61