“Mangaral ng Aking Ebanghelyo

Mga Ideyang Pag-aaralan at Isasagawa
Personal na Pag-aaral
• Rebyuhin ang mga mungkahi sa kabanatang ito. Tukuyin ang mga mungkahing
hindi mo pa nasubukan, at magtakda ng mithiin na subukan ito sa loob ng mga
susunod na araw.
• Sa susunod na district meeting ninyo, tanungin ang isang datihang misyonero na
mahusay nang magsalita sa wikang gamit sa inyong misyon kung ano ang ginawa
niya para matutuhan ang wika.
• Basahin at talakayin ang pahayag na ito ni Elder Richard G. Scott: “Kapag . . .
ang mga tradisyon o kaugalian ng bansa ay salungat sa mga turo ng Diyos, huwag
ninyong sundin ang mga ito. Kapag ang mga tradisyon at kaugalian ay naaayon
sa Kanyang mga turo, dapat pahalagahan ang mga ito” (“Removing Barriers to
Happiness,” Ensign, Mayo 1998, 87). Isipin ang mga kaibahan ng kultura sa area
na pinaglilingkuran mo at ng kultura na kinalakihan mo. Ilista ang mga pagkakaiba.
Pagkatapos ay ekisan ang alinmang salungat sa mga turo ng ebanghelyo. Tingnan
muli ang mga natira, at isipin kung paano mo tataglayin ang mga kaugaliang ito.
• Gumawa ng plano sa pag-aaral para maihanda ka sa paggawa ng isa sa mga
sumusunod sa wikang gamit sa inyong misyon:
– Isalaysay ang kuwento tungkol kay Joseph Smith.
– Ibuod ang 3 Nephi 11.
– Ibuod ang Alma 32.
– Isalaysay ang kuwento ni Nephi at ang mga laminang tanso (tingnan sa
1 Nephi 3–5).
– Ipaliwanag ang mga dispensasyon.
– Magbahagi ng sariling karanasan.
• Gumawa ng mga kard na pagsusulatan ng mga salitang hindi mo alam sa isa sa
mga lesson. Dalhin ang mga ito palagi hanggang sa matutuhan mo ang lahat ng ito.
Pag-aaral ng Magkompanyon
• Magpraktis na ituro sa isa’t isa ang mga lesson ng misyonero sa wikang gamit
sa inyong misyon.
• Hilingin sa kompanyon mo na pakinggan ang iyong pagbigkas at tulungan kang
pagbutihin pa ito.
• Pumili ng mga kuwento o talata sa banal na kasulatan na gusto mong gamitin
sa pagtuturo. Praktisin na ibuod ang mga ito sa sarili mong mga salita.
• Rebyuhin ang mga ideya sa kabanatang ito. Talakayin kung aling mga mungkahi
ang magagamit ninyo sa pag-aaral ninyong magkompanyon sa susunod na linggo.
• Kung nagte-train ka ng bagong misyonero, pansinin ang mga sitwasyon kung saan
hindi nauunawaan ang kompanyon mo. Ilista ang angkop na mga salita, kataga, o
gramatika na makatutulong sa kompanyon mo. Ipaliwanag at praktisin kung paano
gamitin ang nasa listahan sa darating na mga nakaplanong aktibiti.
7 Pag-aralan ang Wika
Mga Tala
153