“Mangaral ng Aking Ebanghelyo

3 Mag-aral at Magturo
Lesson 1:
Ang Panunumbalik
38
Mga Tala
Matapos ang daan-daang taon ng espirituwal na kadiliman, ang kalalakihan at kababaihan
na naghahanap ng katotohanan ay nagprotesta laban sa kasalukuyang gawain ng mga
relihiyon. Nalaman nila na marami sa mga doktrina at ordenansa ng ebanghelyo ang
nabago o nawala. Hinanap nila ang dagdag na espirituwal na kaliwanagan, at marami ang
nagsabing kailangang maibalik ang katotohanan. Gayunman, hindi nila sinasabing sila ay
tinawag ng Diyos para maging propeta. Sa halip, sinikap nilang baguhin ang mga turo at
gawain na pinaniniwalaan nilang nabago o sinira. Dahil sa pagsisikap nila ay nabuo ang
maraming simbahang Protestante. Dahil sa Repormasyong ito ay lalong binigyang halaga
ang kalayaan sa relihiyon, na nagbigay-daan sa huling Panunumbalik.
Nagpropesiya ang mga Apostol ng Tagapagligtas tungkol sa malawakang apostasiya
na ito. Nagpropesiya din sila na ang ebanghelyo ni Jesucristo at Kanyang Simbahan ay
muling ibabalik sa mundo.
Pag-aaralang mga Banal na Kasulatan
1 Nephi 13 Mga Gawa 20:28–30 Gabay sa mga Banal na Kasulatan,
2 Nephi 26:20–21 Mga Taga Galacia 1:6–9 “Lubusang Pagtalikod sa Katotohanan”
2 Nephi 28 II Mga Taga Tesalonica 2:1–12 True to the Faith, “Apostasy,”
4 Nephi 1:27 (PJS mga talata 2, 3, 7–9) mga pahina 13–14
D at T 86:1–3 I Kay Timoteo 4:1–3 Our Search for Happiness,
Mateo 24:9–11 II Kay Timoteo 4:3–4 mga pahina 23–32
Marcos 12:1–9 II Ni Pedro 2:1–2 Jesus the Christ, kabanata 40,
Mga Gawa 3:19–21 Amos 8:11–12 “The Long Night of Apostasy”
Ang Malawakang Apostasiya
Kailangang maunawaan ng mga investigator na nangyari ang malawakang apostasiya noong
namatay si Jesucristo at Kanyang mga Apostol. Kung hindi nagkaroon ng apostasiya, hindi na
sana kinailangan pa ang Panunumbalik. Tulad ng isang diyamante na lalong nagiging makinang
kapag idinispley sa itim na pelus [velvet], gayundin na kitang-kita ang kaibahan ng Panunumbalik
sa madilim na kalagayan ng Malawakang Apostasiya. Ayon sa patnubay ng Espiritu, ituro sa mga
investigator ang tungkol sa Malawakang Apostasiya batay na rin sa kanilang mga pangangailangan
at kalagayan. Ang layunin mo ay tulungan silang maunawaan na kailangan ang Panunumbalik ng
ebanghelyo ni Jesucristo.
Mahahalagang Punto
• Ang Simbahan ni Jesucristo ay itinayo sa ibabaw ng kinasasaligan ng mga apostol at mga
propeta (tingnan sa Mga Taga Efeso 2:19–20; 4:11–14). Ang mga lider na ito ay may banal
na awtoridad ng priesthood. Sa pamamagitan ng paghahayag ay sila ang namamahala sa
mga gawain ng Simbahan. Pinananatili nilang dalisay ang doktrina, pinapahintulutan ang
pangangasiwa ng mga ordenansa, at tumatawag at iginagawad sa iba ang awtoridad ng
priesthood.
• Tinanggihan at pinatay ng mga tao si Jesucristo at ang mga Apostol (tingnan sa Mateo 24:9;
1 Nephi 11:32–34; 2 Nephi 27:5). Nang mamatay ang mga Apostol ay nawala sa Simbahan
ang awtoridad ng priesthood na mamuno. Dahil dito, wala nang awtoridad na magkakaloob ng
Espiritu Santo o magsasagawa ng nakapagliligtas na mga ordenansa. Tumigil ang paghahayag,
at nahaluan ng mali ang mga doktrina.
• Bago pa man namatay ang mga Apostol, marami nang naganap na pagtatalo tungkol sa
doktrina. Ang Imperyo ng Roma, na noong una’y umusig sa mga Kristiyano, ay niyakap ang
Kristiyanismo. Ang mahahalagang tanong sa relihiyon ay inayos ng mga konseho. Ang mga
simpleng doktrina at ordenansang itinuro ng Tagapagligtas ay pinagtalunan at binago para