“Mangaral ng Aking Ebanghelyo

Inihahayag ng Ama sa Langit ang Kanyang Ebanghelyo sa Bawat Dispensasyon
Isang mahalagang paraan na ipinapakita ng Diyos ang Kanyang pagmamahal sa atin
ay sa pamamagitan ng pagtawag ng mga propeta, na binigyan ng priesthood—ang
kapangyarihan at awtoridad na kumilos sa pangalan ng Diyos para sa kaligtasan ng
Kanyang mga anak. Natututuhan ng mga propeta ang ebanghelyo ni Jesucristo sa
pamamagitan ng paghahayag. Itinuturo naman nila ang ebanghelyo sa iba at nagpapatotoo
na si Jesucristo ang Tagapagligtas at Manunubos. Ang turo ng mga propeta ay
makikita sa mga sagradong aklat na tinatawag na mga banal na kasulatan.
Ang plano ng ating Ama para magtagumpay tayo sa buhay na ito at makabalik sa
piling Niya ay tinatawag na ebanghelyo ni Jesucristo, at ang Pagbabayad-sala ni Jesus
ang sentro sa planong iyon. Sa pamamagitan ng Pagbabayad-sala ni Jesucristo, makakatanggap
tayo ng buhay na walang hanggan kung mananampalataya tayo kay Jesucristo,
magsisisi, mabibinyagan sa pamamagitan ng paglulubog para sa kapatawaran ng mga
kasalanan, tatanggapin ang kaloob na Espiritu Santo, at magtitiis hanggang wakas. “Ito
ang daan; at walang ibang daan ni pangalang ibinigay sa silong ng langit upang ang
tao ay maligtas sa kaharian ng Diyos. At ngayon, masdan, ito ang doktrina ni Cristo”
(2 Nephi 31:21). Lahat ng tao ay may karapatang pumili, at kasama dito ang kalayaang
tanggapin o tanggihan ang ebanghelyo na itinuro ng mga propeta at apostol. Ang mga
tao na pipiliin ang sumunod ay pagpapalain, pero ang mga nagwalang-bahala, tumanggi,
o nagbaluktot sa ebanghelyo ay hindi tatanggap ng mga biyayang ipinangako ng Diyos.
Sa tuwing pipiliin ng mga tao na balewalain, suwayin, o baguhin ang alinmang alituntunin
ng ebanghelyo o ordenansa, sa tuwing tatanggihan nila ang mga propeta ng Panginoon,
o sa tuwing hindi sila makapagtiis nang may pananampalataya, sila ay lumalayo sa Diyos
at nagsisimulang mamuhay sa espirituwal na kadiliman. Sa huli ay nauuwi ito sa tinatawag
na apostasiya o pagtalikod sa katotohanan. Kapag lumalaganap ang apostasiya, inaalis ng
Diyos ang Kanyang awtoridad ng priesthood na magturo at mangasiwa sa mga ordenansa
ng ebanghelyo.
Nakasulat sa kasaysayan ng Biblia na
maraming pagkakataon na nakipag-usap
ang Diyos sa mga propeta, at sinasabi rin
nito na maraming beses nangyari ang
apostasiya. Para mawakasan ang malawakang
apostasiya sa bawat panahon,
ipinakita ng Diyos ang Kanyang
pagmamahal sa Kanyang mga anak
sa pagtawag ng isa pang propeta at
pagbibigay sa kanya ng awtoridad ng
priesthood para maibalik at maiturong
muli ang ebanghelyo ni Jesucristo. Ibig
sabihin, ang propeta ang kumikilos bilang katiwala para mapamahalaan ang kaharian ng
Diyos sa lupa. Ang mga kapanahunang ito na pinamunuan ng mga propeta ay tinatawag
na mga dispensasyon.
Ibinigay ng Diyos ang ebanghelyo ni Jesucristo kay Adan at binigyan siya ng
awtoridad ng priesthood. Si Adan ang unang propeta sa lupa. Sa pamamagitan ng
revelation o paghahayag, nalaman ni Adan ang wastong kaugnayan ng sangkatauhan sa
Ama sa Langit, sa Kanyang Anak na si Jesucristo, at sa Espiritu Santo, ang Pagbabayadsala
at Pagkabuhay na Mag-uli ni Jesucristo; at ang mga unang alituntunin at ordenansa
ng ebanghelyo. Itinuro nina Adan at Eva sa kanilang mga anak ang katotohanang ito at
3 Mag-aral at Magturo
Lesson 1:
Ang Panunumbalik
Mga Tala
35