“Mangaral ng Aking Ebanghelyo

3 Mag-aral at Magturo
Lesson 1:
Ang Panunumbalik
36
Mga Tala
hinikayat silang manampalataya at ipamuhay ang ebanghelyo. May iba pang mga
propetang sumunod kay Adan, pero sa huli ay tinanggihan ng angkan ni Adan ang
ebanghelyo at nag-apostasiya, at piniling maging masama.
Noon nagsimula ang mga dispensasyong pinamumunuan ng mga propeta na
bumubuo ng malaking bahagi ng nakasulat na kasaysayan ng Lumang Tipan. Inihayag
ng Ama sa Langit ang Kanyang ebanghelyo sa pamamagitan ng direktang komunikasyon
sa mga propetang tulad nina Noe, Abraham, at Moises. Bawat propeta ay tinawag
ng Diyos para magpasimula ng bagong dispensasyon ng ebanghelyo. Bawat isa sa mga
propetang ito ay binigyan ng Diyos ng awtoridad ng priesthood at ibinigay sa kanila
ang walang hanggang mga katotohanan. Nakakalungkot na sa bawat dispensasyon ay
ginamit ng mga tao ang kanilang karapatang pumili para tanggihan ang ebanghelyo at
pagkatapos ay nag-apostasiya.
Mga Propeta
Alamin kung ano ang pagkaunawa ng iyong tinuturuan tungkol sa mga propeta. Karamihan sa
mga kultura ay may mga taong naniniwala na ang banal o inspiradong tao ay nakakatanggap
ng patnubay at tagubilin mula sa Diyos. Gayunman, hindi lahat ng inspiradong indibiduwal
ay propeta ng Diyos ayon sa kahulugan nito sa ibinalik na ebanghelyo. Linawing mabuti na
itinatatag ng Diyos ang Kanyang kaharian sa lupa sa pamamagitan ng pagtawag ng propetang
magtatatag ng bagong dispensasyon. Ibinibigay Niya sa propetang iyon ang awtoridad ng
priesthood. Tinutulungan naman ng propeta ang mga tao na maunawaan ang kanilang
kaugnayan sa Diyos, at kung paano makakatanggap ng buhay na walang hanggan sa
pamamagitan ni Jesucristo.
Maaaring nagtataka ka kung bakit mahalaga ang mga dispensasyon ng ebanghelyo kapag
nagtuturo sa mga tao na walang alam o walang kulturang Kristiyano. Pero makikita mo na sa
maikling pagkukuwento ng kasaysayan ng mga dispensasyon ay matutulungan mo ang mga
tao na maunawaan na mahal ng Diyos ang Kanyang mga anak at na Siya rin ang kahapon,
ngayon, at magpakailanman.
Pag-aaralang mga Banal na Kasulatan
Mga Propeta
Jacob 4:4, 6
Mosias 8:13–18
Ang Mga Gawa 10:34–43 Amos 3:7
Mga Dispensasyon
D at T 136:36–38 Moises 8:19–30 Gabay sa mga Banal na Kasulatan,
Moises 5:4–12, 55–59 “Dispensasyon”
Ang Ministeryo sa Lupa ng Tagapagligtas
Ilang daang taon bago isilang si Jesucristo, tumalikod muli sa katotohanan ang mga tao.
Pero nang simulan ng Tagapagligtas ang Kanyang ministeryo sa lupa, itinatag Niyang
muli ang Kanyang Simbahan sa mundo.
Ipinadala ng Ama sa Langit ang Kanyang Anak sa lupa upang magbayad-sala para sa
mga kasalanan ng lahat ng tao at daigin ang kamatayan: “Sapagka’t gayon na lamang
ang pagsinta ng Dios sa sanglibutan, na ibinigay niya ang kaniyang bugtong na Anak . . .
upang ang sanglibutan ay maligtas sa pamamagitan niya” (Juan 3:16–17). Ipinadala ng
ating Ama sa Langit ang Kanyang Anak na si Jesucristo, upang akuin Niya, sa