“Mangaral ng Aking Ebanghelyo

Mag-iwan ng Isang Bagay
Sa pagtatapos ng bawat pagtuturo, bigyan ang investigator ng mababasa at mapagiisipan
bilang paghahanda sa susunod na miting. Maaari mong ipabasa sa kanila ang
ilang kabanata sa Aklat ni Mormon. Maaari mo silang bigyan ng brochure tungkol sa
itinuro o sa ituturo mo sa susunod na pagbisita, o kaya’y iba pang sulatin o video. Kung
may Internet sila, hikayatin silang bumisita sa www.mormon.org. Dapat lagi silang
bigyan ng mapag-iisipan, mapagninilay-nilayan, at maipagdarasal. Maaari itong maging
pambungad na paksa ng pag-uusapan ninyo sa susunod na pagkikita ninyo.
Aktibiti: Pag-aaral ng Magkompanyon
Tingnan muli ang mga aytem na maiiwan ninyo sa mga investigator pati ang mga brochure
at video. May mga aytem pa ba kayong dapat makuha para ibahagi sa investigator? Ilista sa
planner ang mga bagay na kailangang orderin.
Isipin ang bawat isa sa mga investigator na nakaiskedyul ninyong turuan ngayong linggong ito.
Anong mga kabanata sa Aklat ni Mormon ang lubos na makatutulong sa kanila? Ano pang ibang
aytem ang magiging kapaki-pakinabang sa kanila? Irekord sa Mga Tala/Listahan ng Gagawin
sa planner ninyo kung ano ang gusto ninyong ibigay sa bawat investigator. Ilista kung ano ang
gagawin ninyo sa pagpa-follow up sa susunod ninyong pagbisita.
Ituro ang Ipinanumbalik na Ebanghelyo sa mga Taong Walang Alam Tungkol
sa Kristiyanismo
Ang ilan sa mga taong tinuturuan mo ay maaaring hindi naniniwala sa Ama sa Langit
at kay Jesucristo o sa gawain ng Kristiyanismo. Gayunman, marami sa kanila ang may
mga paniniwala, gawi, at lugar na itinuturing nilang sagrado. Bilang tagapaglingkod ng
Diyos, mahalagang magpakita ka ng tamang paggalang sa pinaniniwalaan at tradisyon
nila sa kanilang simbahan. Huwag gumawa ng anumang magpapakita ng kawalang
paggalang sa bagay na mahalaga sa kanila.
Maaaring iniisip mo kung paano mo ibabagay ang pamamaraan ng pagtuturo mo sa mga
taong ito. Makabubuting tandaan na para mapabalik-loob, lahat ng anak ng Diyos, anuman
ang pinagmulan nila, ay dapat manampalataya kay Jesucristo, magsisi, tanggapin ang mga
ordenansa ng binyag at kumpirmasyon, at magtiis hanggang wakas sa pamamagitan ng
pagsunod sa mga kautusan at paglilingkod. Ang mga alituntunin na tumutulong sa iba na
magkaroon ng pananampalataya kay Jesucristo ay pare-pareho sa lahat ng kultura.
Matutulungan mo ang mga tao na magkaroon ng tamang pag-unawa sa Diyos bilang
ating Ama sa Langit at magkaroon ng pananampalataya kay Jesucristo. Magagawa mo
ito sa pagtulong sa kanila na magkaroon ng personal na espirituwal na karanasan sa
halip na sabihin lang sa kanila ang tungkol sa likas na katangian ng Diyos. Halimbawa,
matutulungan mo ang mga tao na maunawaan ito sa pamamagitan ng:
• Pagkakaroon nila ng espirituwal na pananalig na ang Diyos Ama at Kanyang Anak,
si Jesucristo, ay nagpakita kay Propetang Joseph Smith.
• Pakikinig sa iyong tapat na pagtuturo at patotoo sa ebanghelyo, pati na ang dahilan
ng pagpili mong sundin si Jesucristo.
• Madalas na pakikinig sa iyo at sa ibang miyembro ng Simbahan na nagsasalita tungkol
sa Ama sa Langit sa isang simple at taimtim na panalangin.
• Pakikinig sa iyong malakas na patotoo.
10 Mga Kasanayan sa Pagtuturo
Mga Tala
217