06KITABU YA SALA

12
muchana, warizi wa mali zako za milele. Utajirini ya huruma yako, ukumbuke, ee
Bwana, watu wako wote, wenye kuwa hapa wanaomba pamoja nasi, na ndugu zetu wote,
nchini na baharini ambao po pote panapotandaza ufalme wako, wanasihi mapendo yako
kwa ajili ya wanadamu. Gawanya kwa wote huruma yako kubwa, ili tukiokolewa, roho
na mwili, tuweze na uhuru wote kutukuza na kusifu milele, jina lako nzuri na tukukuza,
Baba, Mwana, na Roho Mtakatifu, sasa na siku zote, hata milele na milele. Amina.
Sala wa tano ku Ibada ya Asubui.
Hazina ya chemchem ya uzuri wote isiokauka, Baba Mtakatifu, mtenda maajabu,
Mwenyezi, Rabi wa ulimwengu, wote tunakuabudu na tunakusihi, tukiita rehema na
huruma yako kwa kutusaidia na kutukinga ku uzaifu wetu; utukumbuke, ee Bwana,
tunakuomba pokea maombi yetu ya asubui kama uvumba mbele yako, ili hata mmoja kati
yetu asikataliwe, lakini utuchunge sisi wote katika huruma yako. Kumbuka, ee Bwana,
wale wanaokesha na kuimba sifa yako, na kwa sifa ya Mwana wako wa pekee, Mungu
wetu na kwa Roho yako Mtakatifu. Uwe kwao, msaada na mulinzi; upokee malalamiko
yao juu ya altare yako ya kimbingu na ya kiroho. Kwani uko Mungu wetu, na
tunakutukuza Baba, Mwana na Roho Mtakatifu, sasa na siku zote hata milele na milele.
Amina.
Sala wa saba ku Ibada ya Asubui.
Ee Mungu, Baba wa Bwana wetu Yesu Kristo, umetuamusha kitandani chetu na
umetukusanya kwa saa ya maombi: kubali kufunikiza midomo yetu, pokea shukrani yetu
na utufundishe mapenzi yako; kwa sababu hatujuwi ginsi ya kukuomba, isipokuwa kama
wewe mwenyewe, Bwana, hautuongozi kwa Roho yako Mtakatifu. Tena, tunakuomba
hata na hii saa, hatukutenda zambi, kwa neno, kwa vitendo ao kwa mawazo, kwa kusudi
ao kwa siyo kusudi, ondoa, rejeza na samehe. Kwani kama unahukumu makosa, Bwana,
nani basi ataishi? Lakini karibu nawe kuna wokovu. Wewe peke ndiwe Mtakatifu, wewe
msaada wa nguvu na mlinzi wa mioyo yetu, kwako, ee Bwana, kuinua wimbo wetu
wakati wowote ili uwezo wa utawala wako ubarikiwe na utukuzwe Baba, Mwana na
Roho Mtakatifu, sasa na siku zote, hata milele na milele. Amina.
Sala wa kumi na mbili ku Ibada ya Asubui.
Tunakukuza, tunakuimbia, tunakubariki, tunakushukuru, ee Mungu wa mababu
zetu kwani umetenga kivuli cha usiku na umetuonyesha tena mwangaza wa muchana;
lakini tunasihi wema wako, utupe usamehe wa zambi, na katika huruma yako kubwa,
upokee maombi yetu; kwani tunakimbilia kwako, Mungu wa huruma na wa uwezo;
angazia mioyoni mwetu jua kweli la haki yako; angazia usikilizi wetu na ulinde tamaa
zetu za mwili; ili tupate kutembea wastahilivu, katika mchana, katika njia ya amri zako
na tukihukumiwa wastahilivu kwa kufurahi katika nuru tupate kufika ku uzima wa
milele, kwa sababu karibu nawe kuna chemchem ya uzima. Kwani, wewe ndiwe Mungu
wetu, na tunakutukuza Baba, Mwana, na Roho Mtakatifu, sasa na siku zote, hata milele
na milele. Amina.