06KITABU YA SALA

74
mbele yako, tukikataa kuja kwako, basi wapi utajificha Wewe ambaye popote
haupate fasi ya Wewe kupumzikia! Kwa nini utajificha Wewe usiyeacha hata mumoja wa
wanadamu usiyefukuza hata mumoja? Kuja basi, ee Rabi, leo jenga hema lako ndani
yangu, fanya daima nyumba yako na makao yako mpaka mwisho ndani yangu bila
kutengana, mimi mtumishi wako, ewe mwema kamili, na mimi pia nikiondoka mu dunia
na kisha kuondoka kwangu, nipatikane ndani yako, ee mwema kamili, na nitawale
pamoja nawe, Wewe Mungu uliye juu ya yote. Kaa, ee Rabi, usiniache peke yangu,
kusudi maadui zangu wakija, wao wenye kutafuta daima kurarua roho yangu, wakukute
umekaa ndani yangu na wakimbie, wasambazwe bila nguvu juu yangu, wakikuona Wewe
mwenye nguvu kabisa kuliko yote, wakikuona Wewe mwenye, umekaa ndani, ndani ya
nyumba ya roho yangu maskini. Ndiyo, ee Rabi, kama ulivyonikumbuka mimi wakati
nilikua duniani na kwa ujinga wangu ni Wewe uliyenichagua na kunitenga ku hii dunia
na uliyeniweka mbele ya utukufu wako, vivyo hivyo, sasa unilinde ndani mwenyi
kusimama daima, imara, katika makao yako ndani yangu; nikikuona milele mimi
mwenye kufa, niishi; nikiwa na Wewe, mimi maskini, niwe daima mtajiri, mtajiri juu ya
wafalme wote; wakati ninapokukukula na kukukunywa, nikikuvaa kila mara, niwe na
furaha katika mema isiyokadirika: Kwa maana ni Wewe uliye mema yote, utukufu yote
na furaha yote, kwa kuwa utukufu na Utatu Mtakatifu wa asili moja na wenye kuleta
uzima, ni Kwako, Wewe ambaye waaminifu wote wanaheshimu, wanaungama,
wanaabudu na kutumikia katika Baba, Mwana, na Roho Mtakatifu daima sasa na siku
zote, hata milele na milele. Amina.
Sala ya Mtakatifu Dimitrios, Askofu wa Rostovia-Rusia kwa Bikira Maria
Mzazi-Mungu Mtakatifu kamili.
Ee Bikira Mtakatifu Mzazi-Mungu, unifunike, chunga mtumishi wako kwa kila
kitu mbaya yenye kutoka katika roho na mwili wangu na kwa kila adui, ya kuonekana na
isiyoonekana. Salamu Maria Mjaliwa neema, Bwana ni pamoja nawe. Mbarikiwa Wewe
katika wanawake wote na mbarikiwa ni tunda la tumbo lako, kwani ulizaa Mwokozi wa
roho zetu. Salamu na shangilia, ee Bikira Mzazi-Mungu ombea watumishi wako. Ee
Mama wa Malaika na wa waaminifu, unisaidie mimi mtumishi wako. Ee Maria uliye safi,
salamu Bibi Arusi usiyeolewa. Salamu, furaha ya wenye kusikitika, utulivu ya wenye
kuomboleza. Salamu, Chakula cha wenye njaa, kikavu cha wenye kuteswa baharini.
Salamu, Mtakatifu kamili wa Watakatifu wote na uliye wa thamani kupita viumbe vyote.
Salamu, nyumba takatifu ya Baba, hema ya Mwana, na kivuli cha Roho Mtakatifu.
Salamu, nyumba kifalme ya furaha ya Mufalme Kristu Mungu wetu. Salamu, mama ya
mayatima tena bakora ya vipofu. Salamu, utukufu wa waaminifu tena msaada wa wenye
kukuomba. Ee Bikira wangu Mtakatifu kamili, unilinde chini ya kivuli chako; kwa maana
naweka roho yangu mikononi mwako. Saidia na funika roho yangu kwa ile siku ya
hukumu, ombea moyo wangu usiostahili kwa kuingia safi katika Paradizo. Usiniache
mimi mtumishi wako, lakini unisaidie na unipe faida ya maombi yangu. Uniokoe kwa
kila hatari, ugonjwa na mateso, na unipe kutubu mbele ya mwisho. Hivi kwa msaada
wako nitaokolewa kwa kila jambo ya hii uzima katika mapenzi ya Mwana wako aliye
Mungu wetu, na ku gehena ya ajabu ya milele. Amina.